Cha Kwanza cha Samweli 21:1-15
21 Kisha wakati fulani Daudi akafika Nobu+ kwa kuhani Ahimeleki. Ahimeleki akaanza kutetemeka wakati alikutana na Daudi, na akamuambia: “Sababu gani uko peke yako na hakuna mutu pamoja na wewe?”+
2 Daudi akamujibu kuhani Ahimeleki: “Mufalme aliniagiza nifanye jambo fulani, lakini alisema, ‘Usimujulishe mutu yeyote kuhusu kazi yenye ninakutuma ufanye na kuhusu maagizo yenye nimekupatia.’ Nilisikilizana na vijana wangu tukutane mahali fulani.
3 Sasa kama uko na mikate tano (5), unipatie tu mikate hiyo, ao kitu chochote chenye kitapatikana.”
4 Lakini kuhani akamuambia Daudi: “Kwa sasa hakuna mikate ya kawaida, lakini kuko mikate mitakatifu+—ikiwa tu vijana wako wamejiepusha* na wanamuke.”+
5 Daudi akamujibu kuhani: “Hakika tumejiepusha na wanamuke kama vile tulifanya mbele wakati nilienda katika mapambano ya kijeshi.+ Kama miili ya vijana hawa ni mitakatifu hata wakati kazi yenye walitumwa wafanye ni ya kawaida, je, haiko mitakatifu zaidi leo?”
6 Kwa hiyo kuhani akamupatia mikate mitakatifu,+ kwa sababu hapakukuwa mikate ingine isipokuwa mikate ya wonyesho, yenye ilikuwa imeondolewa mbele ya Yehova ili mikate mipya iwekwe pa nafasi yake siku hiyo yenye iliondolewa.
7 Sasa mumoja wa watumishi wa Sauli alikuwa kule siku hiyo, akiwa amezuiliwa mbele ya Yehova. Jina lake lilikuwa Doegi+ Mwedomu,+ mukubwa wa wachungaji wa Sauli.
8 Basi Daudi akamuambia Ahimeleki: “Je, uko na mukuki ao upanga hapa? Sikubeba upanga wangu wala silaha zangu, kwa sababu kazi yenye mufalme alituma ifanywe ilipaswa kufanywa haraka.”
9 Kwa hiyo kuhani akasema: “Upanga wa Goliati+ ule Mufilisti, mwenye ulipiga na kuua katika Bonde* la Ela,+ uko hapa, umefungwa kwa kitambaa nyuma ya efodi.+ Kama unataka kuukamata kwa ajili yako, uukamate, kwa sababu ndio upanga pekee wenye uko hapa.” Daudi akasema: “Hakuna upanga wenye uko kama huo. Unipatie upanga huo.”
10 Siku hiyo Daudi akaondoka na kuendelea kumukimbia Sauli,+ na mwishowe akafika kwa Mufalme Akishi wa Gati.+
11 Watumishi wa Akishi wakamuambia Akishi: “Je, huyu haiko Daudi mufalme wa ile inchi? Je, haiko yeye ndiye waliimba kumuhusu wakati walicheza dansi, na kusema,‘Sauli amepiga na kuua maelfu yake,Na Daudi makumi yake ya maelfu’?”+
12 Daudi akaweka maneno hayo katika moyo wake, na akamuogopa sana+ Mufalme Akishi wa Gati.
13 Kwa hiyo akajifanya kuwa mwenda-wazimu+ mbele yao na akatenda kama mwenda-wazimu kati yao.* Alikuwa anatia alama kwenye milango ya mulango mukubwa na kuacha mate yake yatiririke kwenye ndevu zake.
14 Mwishowe Akishi akaambia watumishi wake: “Munaona kwamba mutu huyu ni mwenda-wazimu! Sababu gani munamuleta kwangu?
15 Je, nimepungukiwa na wenda-wazimu ili nihitaji kuwa na mutu huyu mwenye kutenda kiwazimu mbele yangu? Je, mutu huyu ataingia katika nyumba yangu?”
