Habacuc 1:1-17
1 Say mensahe a naawat nen propeta Habacuc* diad sakey a pasingawey:
2 Anggad kapigan, O Jehova, so ikerew koy tulong, anta agmo ak met lanlamang dengelen?+
Anggad kapigan so ikerew koy tulong lapud inkaruksa, anta agka met lanlamang onsalet?*+
3 Akin et aabuloyan mon nanengneng ko so mauges a kagagawa?
Tan akin et aabuloyan mo so panamairap?
Akin et sankanengneng ko so panagderal tan inkaruksa?
Tan akin et dakel so pankokolkol tan pambubusolan?
4 Kanian anggapoy nagawaan na ganggan,Tan agbalot natutumbok so hustisya.
Ta apaliberan na mauges so matunong;Kanian apikewet so hustisya.+
5 “Nengneng yo ray nasyon tan imanoen yo!
Onnengneng kayo lapud pankelkelaw tan nabigla kayo;Ta walay nagawa diad saray agew yoYa agyo panisiaan anggano nisalaysay itan ed sikayo.+
6 Ta patalindegen ko ray Caldeo,+Say nasyon a maruksa tan bengatbengat a mandedesisyon.
Ondalan ira ed maawang iran pasen na dalinPian samsamen da iray ayaman ya agda kayarian.+
7 Makapakebbiew tan makapataktakot ira.
Iletneg day dili ran hustisya tan autoridad.*+
8 Saray kabayo ra et mas maples nen saray leopardo,Tan masesebeg ira nen saray lobo ed labi.+
Maples ya ombabatik iray kabayo ra parad guerra;Saray kabayo ra et nanlapud arawin pasen.
Singa ra agila a mapmaples a manibar na kanen to.+
9 Amin da et desididon manggaway inkaruksa.+
Sano manmumuyong ira, singa ra dagem a manlalapud bukig,+Tan kupkopen dan singa buer iray narel da.
10 Balawen da ray arari,Tan elekan da ray atagey ya opisyal.+
Elekan dan amin so apadiran a pasen;+Manbunton ira na dalin sano sakopen da iratan.
11 Insan ira onabante tan ondalan a singa dagem,Balet mankasalanan ira,+Ta bibidbiren da a say pakayari ra et lapud dios da.”*+
12 Agta wala ka la manlapud andi-anggaan, O Jehova?+
O Dios ko, say Masanton Dios ko, agka ompatey.*+
O Jehova, tinurom ira pian mangukom;O say Batok,+ inletneg mo ra pian manusa.*+
13 Malinlinis iray matam pian onnengneng ed mauges,Tan agmo abuloyan so kaugsan.+
Balet akin et aabuloyan mo iramay mansasaol,+Tan agka oneesel sano aakmonen na mauges imay mas matunong nen say sikato?+
14 Akin a say too et gagawaen mon singa sira ed dayat,Singa saray onkukurong a bengatla ya andian na manuley?
15 Ginuyor to* irayan amin diad panamegley na taga.
Inerel to ra ed panamegley na iket to,Tan tinipon to ra ed panamegley na iket ton panag-alay sira.
Kanian sikatoy nanliket a maong.+
16 Kanian sikatoy angiyapay na saray bagat ed iket toTan nambagat* ed iket ton panag-alay sira;Ta sankaabigan* so betang to lapud saratan,Tan mananam so kakanen to.
17 Kasin sikatoy ag-ontundan mamano tan mangekal na kargay iket to?*
Kasin itultuloy toy mamatey na saray nasyon, ya agto ra kasian?+
Paimanod leksab
^ Nayarin mankabaliksay “Masimoon a Lakap.”
^ Odino “mangiliktar.”
^ Odino “kagalangan.”
^ Odino posiblin, “say pakayari ra et say dios da.”
^ Odino posiblin, “agkami ompatey.”
^ Odino “pian mametek.”
^ Salanti, saray kakabusol a Caldeo.
^ Odino “nampaasewek na bagat.”
^ Literal, “alarakan a maong.”
^ Odino posiblin, “ag-ontundan manguyos ed espada to?”
