Amos 9:1-15
9 Anengneng koy Jehova+ ed tagey na altar, tan inkuan to: “Masom so toktok na lusek, pian nayegyeg iray pundasyon. Ekal moy toktok na saratan, tan pateyen kod espada iray akeran totoo. Anggapod sikara so makabatik odino makatakas.+
2 Anggano mankotkot ira na amotan da ed Lubok,*Erelen ko ra ditan;Tan anggano onsegep ira ed tawen,Iyabebak ira manlapu ditan.
3 Tan anggano onamot irad toktok na Carmel,Anapen ko ra ditan tan erelen ko ra.+
Anggano iyamotan da ak diad dalem na dayat,Ditan et mangiganggan ak na uleg a mangetket ed sikara.
4 Anggano erelen ira na saray kalaban da,Iganggan ko ditan so espada a mamatey ed sikara;+Imanoen ko ra aliwan pian bendisyonan ira, noagta pian deralen ira.+
5 Ta say Soberanon Katawan, si Jehova na saray armada, so manidiwit ed dalin,Kanian natunaw itan,+ tan manermen so amin a manaayam ditan;+Tan ontagey itan ya intero a singa say Nilo,Tan onlereg a singa say Nilo ed Ehipto.+
6 ‘Sikato a manggagaway takayan a makasabi anggad tawen,Tan ileletneg to so paalagey* to diad tapew na dalin;Sikato a manatawag ed saray danum ed dayat,Pian ikalbo to iratan ed tapew na dalin+—Jehova so ngaran to.’+
7 ‘Agta singa kayo ananak na saray Cusita* parad siak, O totoo na Israel?’ so imbaga nen Jehova.
‘Agko ta impaway so Israel ed dalin na Ehipto,+Saray Filisteo ed Creta,+ tan say Sirya ed Kir?’+
8 ‘Sankanengneng na Soberanon Katawan a Jehova so makasalanan a panarian,Tan deralen to itan ed tapew na dalin.+
Balet agko sigpot a deralen so sankaabungan nen Jacob,’+ so imbaga nen Jehova.
9 ‘Ta siak so mangigaganggan,Tan yakayaken ko so sankaabungan na Israel a walad amin a nasyon,+A singa panyakayak na too ed yakayakan,Tan anggapoy anggan sakey a melag a bato a napelag ed dalin.
10 Ompatey irad espada, amin a makasalanan a totook,Saramay mangibabagan, “Ag-ondapo tan agmakasabi ed sikatayo so kadederal.”’
11 ‘Diad satan ya agew, ipaalagey ko so nagban alolong* nen David,+Apigeren ko ray bungaw na satan,*Tan ipaalagey ko lamet iray geray to;Iletneg ko lamet a singa nensaman,+
12 Pian nakayarian da so akera ed Edom,+Tan say amin a nasyon a tinawag ed ngaran ko,’ so imbaga nen Jehova, say manggagawad saya.
13 ‘Onsabi agew,’ so imbaga nen Jehova,‘Sano naabotan na managbaka imay manag-ani,Tan naabotan na managpespes na ubas imay tomatanem;+Tan onagus so masamit ya alak ed saray kapalandeyan,+Tan amin a pukdol et agusan na alak.*+
14 Tiponen ko iray naaripen a totook ya Israel,+Tan ipaalagey da ray syudad ya ataynanan, tan panayaman da iratan;+Mantanem ira na kaubasan tan inumen da so alak na saratan,+Tan manggawa ray hardin tan kanen day bunga na saratan.’+
15 ‘Itanem ko rad dalin da,Tan agla ran balot nabagotDiad dalin ya inter kod sikara,’+ so inkuan nen Jehova a Dios mo.”
