Amos 1:1-15
1 Saray salita nen Amos,* a sakey ed saray managkomponi na karnero ed Tekoa,+ a naawat tod panamegley na pasingawey nipaakar ed Israel diad panaon nen Arin Uzias+ na Juda tan panaon nen Jeroboam+ ya anak nen Joas,+ say ari na Israel, duay taon antis na yegyeg.+
2 Inkuan to:
“Si Jehova et onaglem a singa leon manlapud Sion,Tan ikasil toy boses to ed Jerusalem.
Manermen iray panagpastolan,Tan namagaan so toktok na Carmel.”+
3 “Oniay inkuan nen Jehova,‘“Lapud amitlon impanrebelde* na Damasco, tan lapud amipat, agko itan babawien,Ta ginatin-gatinan day Gilead diad panamegley na saray balatyang a kagawaan a panag-ilik.+
4 Kanian mangiyakar ak na apoy ed sankaabungan nen Hazael,+Tan upoten na satan iray malet a tori nen Ben-hadad.+
5 Puteren ko iray balewet na saray puerta na Damasco;+Deralen ko iray manaayam ed Bikat-avenTan samay manuuley* ed Bet-eden;Tan nibantak ed Kir iray totoo na Sirya,”+ so inkuan nen Jehova.’
6 Oniay inkuan nen Jehova,‘“Lapud amitlon impanrebelde na Gaza,+ tan lapud amipat, agko itan babawien,Ta inala ra so amin a narel a totoo+ pian iyawat da rad Edom.
7 Kanian mangiyakar ak na apoy ed padir na Gaza,+Tan poolan na satan iray malet a tori to.
8 Deralen ko iray manaayam ed Asdod,+Tan samay manuuley* ed Askelon;+Dusaen ko so Ekron,+Tan ompatey iray akeran Filisteo,”+ so inkuan na Soberanon Katawan a Jehova.’
9 Oniay inkuan nen Jehova,‘Lapud amitlon impanrebelde na Tiro,+ tan lapud amipat, agko itan babawien,Ta inyakar dad Edom so amin a narel a totoo,Tan nilingwanan da so sipanan na impanaagi.+
10 Kanian mangiyakar ak na apoy ed padir na Tiro,Tan upoten na satan iray malet a tori to.’+
11 Oniay inkuan nen Jehova,‘Lapud amitlon impanrebelde na Edom,+ tan lapud amipat, agko itan babawien,Ta inusilan to na espada so dilin agi to,+Tan lapud agto labay so mangasi;
Diad pasnok to et agto ra tundaan a bingkasen,Tan agnaandi so sanok tod sikara.+
12 Kanian mangiyakar ak na apoy diad Teman,+Tan upoten na satan iray malet a tori na Bozra.’+
13 Oniay inkuan nen Jehova,‘“Lapud amitlon impanrebelde na saray Ammonita,+ tan lapud amipat, agko itan babawien,Ta binutyakan da iray malukon a bibii diad Gilead pian napaawang day teritorya ra.+
14 Kanian poolan ko so padir na Raba,+Tan naupot iray malet a tori to,A walay eyag a mangipapasakbay na guerra ed agew na panlalabanTan maksil a dagem diad agew na bagyo.
15 Tan nibantak ed arum a dalin so ari ra a kaiba iray prinsipe to,”+ so inkuan nen Jehova.’
Paimanod leksab
^ Kabaliksan toy “Sakey ya Awit” odino “Manasakbat na Awit.”
^ Odino “impanggaway krimen.”
^ Literal, “samay mamebemben na setro.”
^ Literal, “samay mamebemben na setro.”
