ബൈബി​ളി​ന്റെ ഉത്തരം

 ബൈബിൾ കാലക്ക​ണക്ക്‌ സൂചി​പ്പി​ക്കു​ന്ന​ത​നു​സ​രിച്ച്‌ 1914-ൽ ദൈവ​രാ​ജ്യം സ്വർഗ​ത്തിൽ സ്ഥാപി​ത​മാ​യി. ബൈബി​ളി​ലെ ദാനി​യേൽ പുസ്‌ത​ക​ത്തിൽ നാലാം അധ്യാ​യ​ത്തിൽ കാണുന്ന ഒരു പ്രവച​ന​ത്തിൽ അതെക്കു​റിച്ച്‌ പറഞ്ഞി​ട്ടുണ്ട്‌.

 ആ പ്രവചനം. ബാബി​ലോ​ണി​ലെ നെബൂ​ഖ​ദ്‌നേസർ രാജാവ്‌ ഒരു പ്രാവ​ച​നിക സ്വപ്‌നം കാണാൻ ദൈവം ഇടവരു​ത്തി. ആ സ്വപ്‌ന​ത്തിൽ വെട്ടി​യി​ടാൻ പോകുന്ന ഒരു പടുക്കൂ​റ്റൻ മരം രാജാവ്‌ കണ്ടു. ആ മരം വെട്ടി​യ​തി​നു ശേഷം അതിന്റെ കുറ്റി വളരാ​തി​രി​ക്കാൻ വീണ്ടും ‘ഏഴു കാല​ത്തേക്കു’ ബന്ധിച്ചു. അതു കഴിയു​മ്പോൾ ആ മരം വീണ്ടും വളരു​മാ​യി​രു​ന്നു.—ദാനി​യേൽ 4:1, 10-16.

 പ്രവച​ന​ത്തി​ന്റെ ആദ്യ നിവൃത്തി. ആ വലിയ മരം നെബൂ​ഖ​ദ്‌നേസർ രാജാ​വി​നെ​ത്ത​ന്നെ​യാണ്‌ അർഥമാ​ക്കി​യത്‌. (ദാനി​യേൽ 4:20-22) ഏഴു വർഷക്കാ​ല​ത്തേക്ക്‌ അദ്ദേഹ​ത്തി​ന്റെ സുബോ​ധ​വും രാജസ്ഥാ​ന​വും നഷ്ടപ്പെട്ടു. അതി​നെ​യാണ്‌ ‘മരം വെട്ടി​ക്ക​ള​യു​ന്ന​തി​നെ’ സൂചി​പ്പി​ച്ചത്‌. (ദാനി​യേൽ 4:25) ദൈവം അദ്ദേഹ​ത്തി​ന്റെ സുബോ​ധം തിരി​ച്ചു​കൊ​ടു​ത്ത​പ്പോൾ നെബൂ​ഖ​ദ്‌നേസർ വീണ്ടും അധികാ​ര​ത്തി​ലേക്ക്‌ വരുക​യും ദൈവ​ത്തി​ന്റെ ഭരണാ​ധി​കാ​രത്തെ അംഗീ​ക​രി​ക്കു​ക​യും ചെയ്‌തു.—ദാനി​യേൽ 4:34-36.

 പ്രവച​ന​ത്തിന്‌ ഇനിയും വലി​യൊ​രു നിവൃ​ത്തി​യുണ്ട്‌. ഈ പ്രവച​ന​ത്തി​ന്റെ ഉദ്ദേശ്യം എന്തായി​രു​ന്നു? ‘അത്യു​ന്ന​ത​നാ​ണു മാനവ​കു​ല​ത്തി​ന്റെ രാജ്യത്തെ ഭരണാ​ധി​കാ​രി​യെ​ന്നും തനിക്ക്‌ ഇഷ്ടമു​ള്ള​വനു ദൈവം അതു നൽകു​ന്നെ​ന്നും മനുഷ്യ​രിൽ ഏറ്റവും താണവ​നെ​പ്പോ​ലും അതിന്റെ ഭരണം ഏൽപ്പി​ക്കു​ന്നെ​ന്നും ജീവി​ച്ചി​രി​ക്കുന്ന എല്ലാവ​രും അറിയണം’ എന്നതാ​യി​രു​ന്നു അത്‌. (ദാനി​യേൽ 4:17) ഈ വാക്യ​ത്തിൽ പറഞ്ഞി​രി​ക്കുന്ന ഭരണം അഹങ്കാ​രി​യായ നെബൂ​ഖ​ദ്‌നേ​സ​റി​നെ ഏൽപ്പി​ക്കു​മാ​യി​രു​ന്നോ? ഇല്ല. കാരണം മുമ്പ്‌ ദൈവം മറ്റൊരു പ്രാവ​ച​നിക സ്വപ്‌നം നെബൂ​ഖ​ദ്‌നേ​സ​റി​നെ കാണി​ച്ചി​രു​ന്നു. അതനു​സ​രിച്ച്‌ അദ്ദേഹ​മോ മറ്റൊരു രാഷ്ട്രീയ ഭരണാ​ധി​കാ​രി​യോ ആ സ്ഥാന​ത്തേക്ക്‌ വരില്ലാ​യി​രു​ന്നു. പകരം ദൈവം തന്നെ “ഒരിക്ക​ലും നശിച്ചു​പോ​കാത്ത ഒരു രാജ്യം സ്ഥാപി​ക്കും.”—ദാനി​യേൽ 2:31-44.

 മുൻകാ​ലത്ത്‌ ഭൂമി​യി​ലെ തന്റെ ഭരണത്തെ പ്രതി​നി​ധി​ക​രി​ക്കാൻ ദൈവം ഒരു രാജ്യം സ്ഥാപി​ച്ചി​രു​ന്നു. അതായി​രു​ന്നു പുരാ​ത​ന​കാല ഇസ്രാ​യേൽ ജനത. എന്നാൽ അതിന്റെ രാജാ​ക്ക​ന്മാർ ദൈവത്തെ അനുസ​രി​ക്കാ​തി​രു​ന്ന​പ്പോൾ ദൈവം ആ രാജ്യത്തെ ‘നശിപ്പി​ക്കാൻ’ അനുവ​ദി​ച്ചു. എങ്കിലും ‘നിയമ​പ​ര​മായ അവകാ​ശ​മു​ള്ളവൻ’ വരു​മ്പോൾ ആ രാജ്യം അവന്‌ കൊടു​ക്കു​മെന്ന്‌ ദൈവം മുൻകൂ​ട്ടി​പ്പ​റ​ഞ്ഞി​രു​ന്നു. (യഹസ്‌കേൽ 21:25-27) എന്നേക്കും നിലനിൽക്കുന്ന ആ രാജ്യ​ത്തി​ന്റെ നിയമ​പ​ര​മായ അവകാശി യേശു ക്രിസ്‌തു​വാ​ണെന്ന്‌ ബൈബിൾ തിരി​ച്ച​റി​യി​ക്കു​ന്നു. (ലൂക്കോസ്‌ 1:30-33) നെബൂ​ഖ​ദ്‌നേ​സ​റിൽനിന്ന്‌ വ്യത്യ​സ്‌ത​നാ​യി, പ്രവചനം സൂചി​പ്പി​ച്ച​തു​പോ​ലെ യേശു താണവ​നാ​യി​രു​ന്നു അല്ലെങ്കിൽ ‘താഴ്‌മ​യുള്ള’ വ്യക്തി​യാ​യി​രു​ന്നു.—മത്തായി 11:29.

 ദാനി​യേൽ നാലാം അധ്യാ​യ​ത്തി​ലെ മരം എന്തി​നെ​യാണ്‌ അർഥമാ​ക്കു​ന്നത്‌? ബൈബി​ളിൽ പലപ്പോ​ഴും മരങ്ങൾ ഭരണാ​ധി​പ​ത്യ​ത്തെ പ്രതീ​ക​പ്പെ​ടു​ത്തി​യി​രു​ന്നു. (യഹസ്‌കേൽ 17:22-24; 31:2-5) ദാനി​യേൽ നാലാം അധ്യാ​യ​ത്തി​ന്റെ വലിയ നിവൃ​ത്തി​യിൽ ആ പടുക്കൂ​റ്റൻ മരം ദൈവ​ത്തി​ന്റെ ഭരണ​ത്തെ​യാണ്‌ അർഥമാ​ക്കു​ന്നത്‌.

 മരം വെട്ടി​യി​ട്ട​തി​ന്റെ അർഥ​മെ​ന്താണ്‌? പ്രവച​ന​ത്തി​ന്റെ ആദ്യ നിവൃ​ത്തി​യിൽ മരം വെട്ടി​യി​ട്ടത്‌ നെബൂ​ഖ​ദ്‌നേ​സ​റി​ന്റെ രാജഭ​ര​ണ​ത്തി​ന്റെ തുടർച്ച​യ്‌ക്ക്‌ തടസ്സം നേരി​ട്ട​തി​നെ സൂചി​പ്പി​ച്ചത്‌ ഓർക്കു​ന്നു​ണ്ട​ല്ലോ? അതു​പോ​ലെ, മരം വെട്ടി​യി​ടു​ന്നത്‌ ഭൂമി​യു​ടെ​മേ​ലുള്ള ദൈവ​ത്തി​ന്റെ ഭരണത്തി​ന്റെ തുടർച്ച​യ്‌ക്ക്‌ തടസ്സം നേരി​ടു​ന്ന​തി​നെ​യാണ്‌ സൂചി​പ്പി​ക്കു​ന്നത്‌. ഇതു സംഭവി​ച്ചത്‌ നെബൂ​ഖ​ദ്‌നേസർ യരുശ​ലേ​മി​നെ നശിപ്പി​ച്ച​പ്പോ​ഴാ​യി​രു​ന്നു. അവി​ടെ​യാ​യി​രു​ന്നു ദൈവ​ത്തി​ന്റെ പ്രതി​നി​ധി​ക​ളാ​യി ‘യഹോ​വ​യു​ടെ സിംഹാ​സ​ന​ത്തി​ലി​രു​ന്നു​കൊണ്ട്‌’ ഇസ്രാ​യേ​ലി​ലെ രാജാ​ക്ക​ന്മാർ ഭരണം നടത്തി​യി​രു​ന്നത്‌.—1 ദിനവൃ​ത്താ​ന്തം 29:23.

 ‘ഏഴു കാലത്തി​ന്റെ’ അർഥം എന്താണ്‌? താൻ സ്ഥാപിച്ച ഒരു രാജ്യ​ത്തി​ന്റെ​യും ഇടപ്പെ​ട​ലു​കൾ ഇല്ലാതെ ഭൂമിയെ ഭരിക്കാൻ ദൈവം ജനതകളെ അനുവ​ദിച്ച കാലഘ​ട്ട​ത്തെ​യാണ്‌ ‘ഏഴു കാലങ്ങൾ’ അർഥമാ​ക്കു​ന്നത്‌. ‘ഏഴു കാലങ്ങൾ’ ബി.സി. 607 ഒക്ടോ​ബ​റിൽ തുടങ്ങി. ബൈബിൾകാ​ല​ക്ക​ണക്ക്‌ അനുസ​രിച്ച്‌ അന്നാണ്‌ ബാബി​ലോൺകാർ യരുശ​ലേ​മി​നെ നശിപ്പി​ച്ചത്‌. a—2 രാജാ​ക്ക​ന്മാർ 25:1, 8-10.

 ‘ഏഴു കാലം’ എത്ര നാൾ നീണ്ടു നിൽക്കും? നെബൂ​ഖ​ദ്‌നേ​സ​റി​ന്റെ കാര്യ​ത്തി​ലെ​പോ​ലെ അത്‌ ഏഴു വർഷമാ​യി​രി​ക്കാൻ സാധ്യ​ത​യില്ല. അതാണ്‌ യേശു​വി​ന്റെ ഈ വാക്കുകൾ സൂചി​പ്പി​ക്കു​ന്നത്‌, ‘ജനതകൾക്കാ​യി അനുവ​ദി​ച്ചി​ട്ടുള്ള കാലം തികയു​ന്ന​തു​വരെ അവർ (ദൈവ​ത്തി​ന്റെ ഭരണത്തെ പ്രതി​നി​ധാ​നം ചെയ്‌തി​രുന്ന) യരുശ​ലേ​മി​നെ ചവിട്ടി​മെ​തി​ക്കും.’ (ലൂക്കോസ്‌ 21:24) ‘ജനതകൾക്കാ​യി അനുവ​ദി​ച്ചി​ട്ടുള്ള കാലം,’ അതായത്‌ തന്റെ ഭരണത്തെ ‘ചവിട്ടി​മെ​തി​ക്കാൻ ജനതകളെ’ ദൈവം അനുവ​ദി​ച്ചി​ട്ടുള്ള കാലം തന്നെയാണ്‌ ദാനി​യേൽ നാലാം അധ്യാ​യ​ത്തിൽ പറയുന്ന ‘ഏഴു കാലങ്ങൾ.’ അതിന്റെ അർഥം യേശു ഭൂമി​യി​ലാ​യി​രു​ന്ന​പ്പോ​ഴും “ഏഴു കാലം” തുടരു​ക​യാ​യി​രു​ന്നു എന്നാണ്‌.

 “ഏഴു കാലം” എത്ര നാൾ നീണ്ടു നിൽക്കു​മെന്ന്‌ മനസ്സി​ലാ​ക്കാൻ ബൈബിൾ നമ്മളെ സഹായി​ക്കു​ന്നുണ്ട്‌. ബൈബി​ളി​ലെ കണക്കനു​സ​രിച്ച്‌ മൂന്നര ‘കാലം,’ 1,260 ദിവസ​മാണ്‌. അതു​കൊണ്ട്‌ അതിന്റെ ഇരട്ടി​യായ ‘ഏഴു കാലങ്ങൾ,’ 2,520 ദിവസ​മാണ്‌. (വെളി​പാട്‌ 12:6, 14) “ഒരു ദിവസ​ത്തിന്‌ ഒരു വർഷം” എന്ന പ്രാവ​ച​നിക നിയമം​വെച്ച്‌ കണക്കു​കൂ​ട്ടു​മ്പോൾ 2,520 ദിവസങ്ങൾ, 2,520 വർഷങ്ങ​ളെ​യാണ്‌ കുറി​ക്കു​ന്നത്‌. അതു​കൊണ്ട്‌ ‘ഏഴു കാലങ്ങൾ’ അല്ലെങ്കിൽ 2,520 വർഷങ്ങൾ അവസാ​നി​ക്കു​ന്നത്‌ 1914 ഒക്ടോ​ബ​റി​ലാണ്‌.—സംഖ്യ 14:34; യഹസ്‌കേൽ 4:6.