നിങ്ങളെ ക്ഷണിക്കുന്നു
യേശുവിന്റെ മരണത്തിന്റെ ഓർമ
2026 ഏപ്രിൽ 2, വ്യാഴം
സൗജന്യമായ രണ്ടു പരിപാടികൾക്കായി ഞങ്ങൾ നിങ്ങളെ ക്ഷണിക്കുന്നു
പ്രത്യേക ബൈബിളധിഷ്ഠിത പ്രസംഗം
“നമുക്കു നമ്മുടെ ഭൂമിയെ തിരിച്ചുകിട്ടുമോ?”
ഭൂമിക്കും മനുഷ്യർക്കും വേണ്ടി കരുതിയിട്ടുള്ള മനോഹരമായ ഭാവിയെക്കുറിച്ച് മനസ്സിലാക്കാം.
യേശുവിന്റെ മരണത്തിന്റെ ഓർമ
ഈ പ്രധാനപ്പെട്ട ആചരണത്തിൽ യഹോവയുടെ സാക്ഷികൾ യേശു കല്പിച്ചതുപോലെ യേശുവിന്റെ മരണത്തിന്റെ ഓർമ ആചരിക്കും.—ലൂക്കോസ് 22:19.
സാധാരണ ചോദിക്കാറുള്ള ചോദ്യങ്ങൾ
ആർക്കൊക്കെ വരാം?
എല്ലാവർക്കും വരാം. കുടുംബത്തെയും കൂട്ടാം.
ഈ പരിപാടികൾ എത്ര നേരമുണ്ടാകും?
ബൈബിളിനെ അടിസ്ഥാനപ്പെടുത്തിയ പ്രത്യേകപ്രസംഗം അരമണിക്കൂർ ആയിരിക്കും. അതെത്തുടർന്ന് ഒരു ബൈബിൾ വിഷയത്തെക്കുറിച്ച് ഒരു മണിക്കൂർ ചർച്ചയും ഉണ്ടായിരിക്കും.
ഓർമയാചരണം ഏകദേശം ഒരു മണിക്കൂർ ആയിരിക്കും.
എവിടെയാണ് പരിപാടികൾ നടക്കുന്നത്?
സ്ഥലം കണ്ടെത്താൻ മുകളിലുള്ള, “ആചരണം നടക്കുന്ന സ്ഥലം കണ്ടെത്തുക,” “പ്രത്യേകപ്രസംഗം നടക്കുന്ന സ്ഥലം കണ്ടെത്തുക” എന്നിവയിൽ ക്ലിക്ക് ചെയ്യുക.
ഞങ്ങൾ വന്നതിന്റെ പേരിൽ എന്തെങ്കിലും കടപ്പാടോ ബാധ്യതയോ ഉണ്ടാകുമോ?
ഇല്ല.
പണപ്പിരിവുണ്ടോ?
ഇല്ല. ഞങ്ങൾ മീറ്റിങ്ങുകളിൽ പണപ്പിരിവ് നടത്താറില്ല.—മത്തായി 10:8.
വസ്ത്രത്തിന്റെ കാര്യത്തിൽ എന്തെങ്കിലും നിബന്ധനയുണ്ടോ?
ഇല്ല. എങ്കിലും മാന്യമായും ആദരണീയമായും വസ്ത്രം ധരിക്കാൻ യഹോവയുടെ സാക്ഷികൾ ശ്രമിക്കുന്നു.
യേശുവിന്റെ മരണത്തിന്റെ ഓർമയാചരണത്തിൽ എന്താണു നടക്കുന്നത്?
പരിപാടി തുടങ്ങുന്നതും അവസാനിക്കുന്നതും ഗീതത്തോടെയും പ്രാർഥനയോടെയും ആണ്. യഹോവയുടെ സാക്ഷികളുടെ ഒരു ശുശ്രൂഷകനായിരിക്കും പ്രാർഥിക്കുന്നത്. ഇതിലെ പ്രധാനപരിപാടി ഒരു പ്രസംഗമാണ്. യേശുവിന്റെ മരണത്തിന്റെ പ്രാധാന്യത്തെക്കുറിച്ചും ദൈവവും ക്രിസ്തുവും നമുക്കുവേണ്ടി ചെയ്തതിൽനിന്ന് എങ്ങനെ പ്രയോജനം നേടാമെന്നതിനെക്കുറിച്ചും അതിൽ വിശദീകരിക്കും.
കൂടുതൽ വിവരങ്ങൾക്ക് “യഹോവയുടെ സാക്ഷികൾ മറ്റ് മതങ്ങളിൽനിന്ന് വ്യത്യസ്തമായി കർത്താവിന്റെ അത്താഴം ആചരിക്കുന്നത് എന്തുകൊണ്ട്?” എന്ന ലേഖനം കാണുക.
അടുത്ത വർഷങ്ങളിലെ സ്മാരകാചരണങ്ങൾ എപ്പോഴായിരിക്കും?
2026: ഏപ്രിൽ 2, വ്യാഴം
2027: മാർച്ച് 22, തിങ്കൾ
2028: ഏപ്രിൽ 9, ഞായർ
കൂടുതൽ അറിയാൻ ഈ വീഡിയോകൾ കാണുക.
യേശുവിന്റെ മരണത്തിന്റെ ഓർമ എങ്ങനെയാണ് ആചരിക്കുന്നതെന്നും ആ മരണത്തിലൂടെ നമുക്കു ലഭിക്കാൻപോകുന്ന മനോഹരമായ ഭാവി എങ്ങനെയായിരിക്കുമെന്നും കാണുക.
യേശു നമ്മുടെ പാപങ്ങൾക്കുവേണ്ടി മരിച്ചു എന്നു നിങ്ങൾ കേട്ടിട്ടുണ്ടായിരിക്കും. പക്ഷേ ഒരാളുടെ മരണം എങ്ങനെയാണ് കോടിക്കണക്കിന് ആളുകൾക്കു പ്രയോജനം ചെയ്യുക?
രാജ്യഹാളിൽ എന്താണ് നടക്കുന്നത്?
രാജ്യഹാളിൽ എന്താണ് നടക്കുന്നതെന്ന് നിങ്ങൾതന്നെ കണ്ടറിയൂ.
ക്ഷണക്കത്ത് പ്രിന്റ് എടുക്കാൻ ഡൗൺലോഡ് ചെയ്യുക.