Leta i go long man Hibru 1:1-14

  • God i yusum Pikinini blong hem blong toktok long yumi (1-4)

  • Pikinini i hae moa long ol enjel (5-14)

1  Bifo, God i toktok plante taem long ol olfala blong yumi, hem i yusum ol profet mo hem i yusum plante narafala rod tu.+  Naoia long en blong ol dei ya, hem i yusum Pikinini blong hem blong toktok long yumi.+ God i putumap hem blong hem i kasem evri samting we hem i promes blong givim,+ mo i yusum hem blong mekem ol sistem blong wol.*+  Hem i mekem glori blong God i saenaot,+ mo hem i stret pija blong God, i stap soemaot prapa fasin blong hem.+ Mo long tok blong hem we i gat paoa, hem i givhan long olgeta samting blong oli stap laef. Taem hem i mekem yumi kam klin long ol sin blong yumi finis,+ hem i go antap, i sidaon long raetsaed blong Man Ya We i Hae Olgeta.+  Nao hem i hae moa long olgeta enjel,+ stret olsem we nem ya we God i givim long hem i hae moa long nem blong olgeta.+  Yufala i traem tingbaot. God i neva talem long wan enjel se: “Yu yu pikinini blong mi, tede mi mi kam papa blong yu.”+ Mo i neva talem se: “Bambae mi mi kam papa blong hem, mo hem bambae i kam boe blong mi.”+  Be taem hem i sanem Fasbon blong hem+ i kam bakegen long wol, hem i talem se: “I gud olgeta enjel blong God oli bodaon* long hem.”  Mo hem i tokbaot ol enjel se: “Hem i mekem ol enjel blong hem oli spirit,* mo ol minista blong hem*+ oli olsem faea we i laet.”+  Be taem hem i tokbaot Pikinini, hem i se: “God i olsem tron* blong yu+ gogo i no save finis, mo septa* blong Kingdom blong yu hem i septa blong stret fasin.*  Yu yu laekem stret fasin, mo yu no laekem nating fasin blong brekem loa. Nao from samting ya, God we i God blong yu, i kafsaedem moa oel blong glad long yu blong makemaot yu,+ i winim ol fren blong yu.”+ 10  Mo bakegen hem i talem se: “O Masta, long stat yu yu putum fandesen blong wol, mo long han blong yu nomo, yu mekem heven. 11  Ol samting ya bambae oli lus, be yu bambae yu stap oltaem nomo. Mo bambae oli kam nogud olsem kaliko. 12  Bambae yu yu rolem olgeta, olsem we man i rolem kot blong hem, mo bambae yu yu jenisim olgeta samting ya. Be yu yu stap sem mak nomo, mo ol yia blong yu bambae oli neva finis.”+ 13  Be God i neva talem long wan enjel se: “Yu sidaon long raetsaed blong mi gogo kasem we mi putum ol enemi blong yu olsem wan stul blong leg blong yu.”+ 14  Olgeta enjel ya, oli spirit nomo, we oli stap mekem ol tabu wok.*+ Hem i stap sanem olgeta blong oli mekem minista wok ya blong givhan long ol man ya we bambae hem i sevem olgeta.

Ol futnot

Yu luk Diksonari.
NT: “ona.”
Yu luk Diksonari.
NT: “olgeta we hem i yusum olgeta blong givhan long narafala.”
NT: “jea blong king.”
Yu luk Diksonari.
NT: “blong jastis.”
NT: “wok blong givhan long ol man.”