An Ikaduha nga Surat ha mga Taga-Tesalonica 2:1-17

  • Tawo nga matinalapason (1-12)

  • Sagdon nga tumindog hin marig-on (13-17)

2  Pero mga kabugtoan, mahitungod han presensya han aton Ginoo nga hi Jesu-Kristo+ ngan han pagtiroka ha aton ngadto ha iya,+ ginhahangyo namon kamo  nga diri dayon mawurok ha iyo pangatadongan ngan diri liwat matarantar pinaagi hin giniyahan nga kapahayagan*+ o pinaagi hin iginyakan nga mensahe o pinaagi hin surat nga tikang kuno ha amon, nga nasiring nga an adlaw ni Jehova*+ iini na.  Ayaw kamo pagpasimang* ha bisan hin-o ha anoman nga paagi, kay diri ito maabot kon diri anay umabot an apostasya+ ngan mabuhayhag an tawo nga matinalapason,+ an anak han kabungkagan.+  Nakontra hiya ngan nagpapahitaas han iya kalugaringon labaw ha tagsa nga gintatawag nga dios o butang nga ginsisingba,* salit nalingkod hiya ha templo han Dios, iginpapakita ha publiko an iya kalugaringon sugad nga dios.  Diri ba kamo nahinunumdom nga han kaupod pa ako niyo, ginsinidngan ko na kamo hini nga mga butang?  Ngan yana maaram na kamo kon hin-o an nakakapugong, basi maibuhayhag hiya ha iya itinanda nga panahon.  Ha pagkamatuod, an misteryo hini nga pagkamatinalapason nagios na,+ pero misteryo la ini tubtob nga mawara hiya nga nakakapugong yana.  Katapos, mabubuhayhag an tawo nga matinalapason, nga bubungkagon han Ginoo nga hi Jesus pinaagi han espiritu han iya baba+ ngan wawad-on pinaagi han pagpadayag+ han iya presensya.  Pero an presensya han tawo nga matinalapason impluwensyado ni Satanas+ upod an ngatanan nga gamhanan nga buhat ngan buwa nga mga tigaman ngan urusahon nga mga butang+ 10  ngan an ngatanan nga diri magtadong nga paagi basi limbongan+ an mga mabubungkag, sugad nga sirot kay waray nira karawata an gugma ha kamatuoran basi matalwas hira. 11  Ito an hinungdan nga gintugotan han Dios nga an nakakalimbong nga impluwensya magsimang ha ira basi tumoo hira ha buwa,+ 12  basi hukman hira ngatanan kay waray hira tumoo han kamatuoran kondi nalipay ha pagkadiri-matadong. 13  Pero obligado kami pirme nga magpasalamat ha Dios tungod ha iyo, mga kabugtoan nga hinigugma ni Jehova,* kay tikang ha tinikangan ginpili kamo han Dios+ basi matalwas pinaagi ha pagbaraan ha iyo+ pinaagi han iya espiritu ngan pinaagi ha iyo pagtoo ha kamatuoran. 14  Gintawag kamo niya ngada hini pinaagi han maopay nga sumat nga amon iginpapasamwak, basi magkaada kamo han himaya han aton Ginoo nga hi Jesu-Kristo.+ 15  Salit mga kabugtoan, tindog kamo+ hin marig-on ngan padayon nga sunda an mga tradisyon nga igintutdo ha iyo,+ pinaagi man ito hin iginyakan nga mensahe o pinaagi hin surat tikang ha amon. 16  Dugang pa, hinaot an aton Ginoo nga hi Jesu-Kristo mismo ngan an Dios nga aton Amay, nga nahigugma ha aton+ ngan naghatag hin waray kataposan nga pagliaw ngan maopay nga paglaom+ pinaagi han diri matupngan nga pagkabuotan, 17  magliaw han iyo kasingkasing ngan magparig-on ha iyo* ha tagsa nga maopay nga buhat ngan pulong.

Mga footnote

O “pinaagi hin espiritu.” Kitaa an “Espiritu” ha Glossary.
Kitaa an Ap. A5.
O “pagpasulay.”
O “ginrirespeto gud.”
Kitaa an Ap. A5.
O “magpakusog ha iyo.”