An Ikaduha nga Surat ni Juan 1:1-13

  • Pangumusta (1-3)

  • Padayon ha paglakat ha kamatuoran (4-6)

  • Pag-ikmat ha mga paralimbong (7-11)

  • Plano ha pagbisita ngan pangumusta (12, 13)

 Tikang ha lagas nga lalaki,* para ha pinili nga babaye ngan ha iya mga anak, nga akon gud hinigugma, ngan diri la ako kondi han ngatanan liwat nga nahibaro han kamatuoran,  tungod han kamatuoran nga nagpapabilin ha aton ngan makakaupod naton ha kadayonan.  Magkakaada kita han diri matupngan nga pagkabuotan, kalooy ngan kamurayawan tikang ha Dios nga Amay ngan tikang kan Jesu-Kristo, nga Anak han Amay, upod an kamatuoran ngan gugma.  Nagrarayhak gud ako kay nahibaroan ko nga an iba han imo mga anak naglalakat ha kamatuoran,+ sugad han nakarawat naton nga sugo tikang ha Amay.  Salit yana naghahangyo ako ha imo, pinili nga babaye, nga higugmaon naton an usa kag usa. (Nagsusurat ako ha imo, diri hin usa nga bag-o nga sugo, kondi hin sugo nga nakarawat naton tikang pa ha tinikangan.)+  Ngan ini an kahulogan han gugma, nga magpadayon kita ha paglakat uyon ha iya mga sugo.+ Ini an sugo, sugad han iyo nabatian tikang pa ha tinikangan, nga sadang kamo magpadayon ha paglakat dida hito.  Kay damu nga paralimbong an nakikita ha kalibotan,+ adton diri nagpapahayag nga natoo hira nga hi Jesu-Kristo kinanhi sugad nga tawo.*+ Ini an paralimbong ngan an antikristo.+  Pag-ikmat kamo, basi diri niyo mawara an mga butang nga amon ginpangalimbasogan nga buhaton, kondi basi makarawat niyo an bug-os nga balos.+  An bisan hin-o nga nalahos ngan diri nagpapabilin ha katutdoan han Kristo diri inuuyonan han Dios.+ An nagpapabilin hini nga katutdoan amo an inuuyonan han Amay ngan han Anak.+ 10  Kon may bisan hin-o nga kumada ha iyo ngan diri niya dara ini nga katutdoan, ayaw hiya pasudla ha iyo balay+ o ayaw pagyakan hin pangumusta ha iya. 11  Kay an nagyayakan hin pangumusta ha iya nakikigbahin ha iya magraot nga mga buhat. 12  Bisan kon damu pa nga butang an akon igsusurat ha iyo, diri ko karuyag nga buhaton ito gamit an papel ngan tinta, lugod naglalaom ako nga makakada ha iyo ngan personal nga makaistorya kamo, basi magin bug-os an iyo kalipay. 13  An mga anak han imo bugto nga babaye, an usa nga pinili, nangungumusta ha imo.

Mga footnote

O “tigurang.”
Lit., “unod.”