Olosamo 67:1-7
Kusongui wolonjimbi; yimbiwa lovikuata viovisikilo via pangiwa lovikolo. Osamo. Ocisungo.
67 Suku o ka tu lekisa ohenda loku tu sumũlũisa;Eye o ka tu lekisa uwa waye,+ (Sela)
2 Oco okuti onjila yove yi kũlĩhĩwa kilu lieve liosi,+Kuenda ovilinga viove vioku popela vi kũlĩhĩwa pokati kolofeka viosi.+
3 A Suku, omanu va ku sivaye;Omanu vosi va ku sivaye.
4 Olofeka vi sanjuke kuenda vi kaluke lonjolela,+Momo ove o ka sombisa omanu lesunga.+
Ove o ka songuila olofeka vio kilu lieve. (Sela)
5 A Suku, omanu va ku sivaye;Omanu vosi va ku sivaye.
6 Osi yi ka eca ovaima a-o;+Suku, Suku yetu o ka tu sumũlũisa.+
7 Suku o ka tu sumũlũisa,Kuenda omanu vosi vo kilu lieve va ko sumbila.*+
Atosi Pombuelo
^ Ale “oku kemãlisa.”