Olosamo 16:1-11
O Mikitama* ya Daviti.
16 A Suku ndi teyuile, momo nda sanga ocitililo kokuove.+
2 Nda sapuila Yehova siti: “Ove wu Yehova, wuno yange yovina viosi viwa.
3 Kuenje olosandu vi kasi kilu lieve,Akuenje vove va ndi kokela esanju lialua.”+
4 Evalo li lua ku vana va sanda oku vumba olosuku vikuavo.+
Ame lalimue eteke ndi ka lumba ovilumba viosonde kokuavio,Ndaño muẽle omẽla wange ka u ka tukula olonduko viavio.+
5 Yehova eye o nyĩha ovina viosi ndi tambula*+ kuenda okopo ndi nyua.+
Eye o teyuila ocipiñalo cange.
6 Olongave viange vi kasi kovitumãlo viwa.
Ocili, nda sanjukila ocipiñalo cange.+
7 Ndi ka sivaya Yehova una wa siata oku ndi lungula.+
Ndaño muẽle vokuenda kuteke, ovisimĩlo viange vio vutima* vi ndi lemẽla.+
8 Yehova otembo yosi o kasi vovisimĩlo viange.+
Omo okuti eye o kasi konele yange yondio, lalimue eteke ndi ka sengiwa.*+
9 Omo liaco, utima wange u sanjuka, ame nda sanjuka calua.*
Omuenyo wange wa kolapo.
10 Momo ove ku ka ndi sia Vonjembo.*+
Ove ku ka ecelela okuti ukuenje wove ukuekolelo amamako* vocitunu.*+
11 Ove o ndi lekisa onjila yomuenyo.+
Kovaso yove* kuli esanju lialua;+Peka liove liondio pali esanju otembo ka yi pui.
Atosi Pombuelo
^ Tala Elomboluilo.
^ Ale “onepa yange yoku eca.”
^ Lit., “olongẽla viange.”
^ Ale “lalimue eteke ndi yengenga.”
^ Lit., “ulamba wange wa sanjuka.”
^ Okuti, ocitumãlo mu kendiwa omanu va fa.
^ Lit., “o mola.”
^ Ale pamue, “o mola oku vola.”
^ Lit., “Kocipala cove.”
