Olosamo 41:1-13
Kusongui wolonjimbi. Osamo ya Daviti.
41 Wa sumũlũha omunu wosi o kuatisa ohukũi;+Yehova o ko yovola keteke liohali.
2 Yehova o ko teyuila kuenda o ko wecelela oku kala lomuenyo.
Omanu vakuavo va ka limbuka okuti, eye wa sanjuka kilu lieve;+Ove lalimue eteke o ka ecelela okuti, eye eciwa peka liovanyãli vaye.+
3 Yehova o ko u kolisa eci eye a kala pula loku vela;+Ove u ko tata vokuenda kuoku vela kuaye.
4 Momo nda popia siti: “A Yehova, ndekise ohenda.+
Ñayise,+ momo nda ku lueyela.”+
5 Pole, ovanyãli vange va vangula eci cĩvi catiamẽla kokuange vati:
“Eteke lipi eye a ka fa oco onduko yaye yi ivaliwe?”
6 Eci umue pokati kovanyãli eya oku ndi nyula, utima waye u vangula uhembi.
Eye o ka sanda cimue oco a ndi lemẽhe;Kuenje eci a tunda o ka ci sapuila komanu vakuavo.
7 Vosi vana va ndi suvuka va li loñuinya omunu lukuavo;Ovo va sokiya ovina vĩvi vioku ndi katukila vati:
8 “Eci cĩvi ceya kokuaye;Omo cilo a kasi pula, ka ka votoka vali.”+
9 Ndaño muẽle ekamba liange liocili lina nda kolela,+Haeye wa lia lia okulia kuange, wa ndi katukila.*+
10 Pole, ove A Yehova, ndekise ohenda kuenda mbotole,Oco ndi va fetuluinye.
11 Mekonda lieci, ndi ka kũlĩha okuti ove wa ndi sanjukila:
Eci ovanyãli vange ka va ka tẽla oku ndi yula.+
12 Catiamẽla kokuange, ove o ndi kuatisa mekonda liekolelo liange;+Ove o ka ndi kapa kovaso yove otembo ka yi pui.+
13 Yehova Suku ya Isareli, a sivayiweVokuenda kuotembo ka yi pui.*+
Amene kuenda Amene.
