Olosamo 25:1-22

  • Ohutililo yoku pinga olonumbi kuenda ongecelo

    • “Ndongise ndomo ngendela volonjila viove” (4)

    • “Ukamba wocili la Yehova” (14)

    • “Ecela akandu ange osi” (18)

Osamo ya Daviti. א [Aleph]* 25  A Yehova, ndi likutilila kuenda ndi lieca kokuove. ב [Beth]  2  A Suku yange, nda kolela kokuove;+Ku ka ecelele okuti ndi kutisiwa osõi.+ Ovanyãli vange ka va ka sanjukile ohali yange.+ ג [Gimel]  3  Ocili, laumue o lavoka kokuove okuti o ka kutisiwa osõi;+Pole, olomakuli okuti ka vi kuete esunga lioku ci linga, vi ka kutisiwa osõi.+ ד [Daleth]  4  A Yehova, ndekise olonjila viove;+Ndongise ndomo ngendela volonjila viove.+ ה [He]  5  Ngendise vocili cove kuenda ndi longise,+Momo ove Suku yange yepopelo. ו [Waw] Ndi lavoka kokuove eteke liosi. ז [Zayin]  6  A Yehova, ivaluka ohenda yove kuenda ocisola cove ka ci pongoloka,+Cina ove wa siata oku lekisa olonjanja viosi.*+ ח [Heth]  7  Ku ka ivaluke akandu ange o vumalẽhe kuenda akulueya ange. Njivaluke ndomo ci likuata locisola cove ka ci pongoloka,+Mekonda liuwa wove, A Yehova.+ ט [Teth]  8  Yehova uwa kuenda wa suñama.+ Eli olio esunga lieci eye a pindisila vakuakandu vonjila va sesamẽla oku endela.+ י [Yod]  9  Eye o ka songuila ambombe oco va linge eci ca sunguluka,*+Kuenda o ka longisa ambombe onjila yaye.+ כ [Kaph] 10  Olonjila viosi via Yehova vi situlula ocisola caye ka ci pongoloka kuenda esunga liayeKu vana va kapako ocisila caye+ kuenda olonumbi viaye.+ ל [Lamed] 11  A Yehova, mekonda lionduko yove,+Ecela ekandu liange ndaño okuti linene. מ [Mem] 12  Helie omunu wa sumbila Yehova Suku?+ Suku o ka pindisa omunu waco catiamẽla konjila eye a sesamẽla oku nõla.+ נ [Nun] 13  Eye o ka kuata ohenda ya Suku,+Kuenda ovitumbulukila* viaye vi ka piñala ilu lieve.+ ס [Samekh] 14  Ukamba wocili la Yehova wa tiamẽla ku vana vo sumbila,+Kuenda eye o va longisa eci catiamẽla kocisila caye.+ ע [Ayin] 15  Olonjanja viosi ndi sanda ocitililo ku Yehova,+Momo eye o ka yovola olomãhi viange konjanjo.*+ פ [Pe] 16  Tiamisila ocipala cove kokuange kuenda ndekise ohenda,Momo ñasi ulika kuenda si kuete ekuatiso. צ [Tsade] 17  Asakalalo utima wange a livokiya;+Ndi yovole kesumuo liange. ר [Resh] 18  Tala esakalalo liange lohali yange,+Kuenda ecela akandu ange osi.+ 19  Tala ndomo ovanyãli vange valua,Omo lionya yavo yalua, ovo va yongola oku linga ungangala kokuange. ש [Shin] 20  Lava omuenyo wange kuenda mopele.+ Ku ka ecelele okuti ndi kutisiwa osõi, momo nda sanda ocitililo kokuove. ת [Taw] 21  Esunga kuenda oku suñama vi ndi teyuile,+Momo elavoko liange li kasi kokuove.+ 22  A Suku, yovola Isareli kohali yaye yosi.

Atosi Pombuelo

^ Eyi oletala yatete yo ambesendaliu kelimi lio Heveru. Osamo eyi ya sonehiwa loku kuama ulala wo ambesendaliu.
^ Ale “Cina okuti co kotembo yo kosimbu.”
^ Lit., “vesombiso.”
^ Lit., “ombuto.”
^ Lit., “kowanda.”