Olosamo 142:1-7
Masikili.* Ohutililo ya Daviti eci a kala veleva.+
142 Londaka yange ndi vilikiya Yehova oku pinga ekuatiso;+Londaka yange ndi livondela ohenda ya Yehova.
2 Kovaso aye, ndi situlula esakalalo liange;Kovaso aye ndi lombolola eci catiamẽla kohali yange,+
3 Eci ongusu yange yi pua vokati kange.
Ove o lava onjila yange.+
Volonjila muna ngendela,Va ñapelamo onjanjo yimue oco va ñuate.
4 Tala konele yange yondio,Okuti lomue wa ndi kapako.*+
Ka kuli ocitumãlo ndi pondola oku tilila;+Lomue wa sakalala lame.
5 A Yehova, ndi vilikiya kokuove oku pinga ekuatiso.
Ndi popia hati: “Ove wucitililo cange,+Haeve wuvina* viosi ñuete vofeka yava va kasi lomuenyo.”
6 Yevelela oku liyula kuange kuekuatiso,Momo ñuete ovitangi vialua.
Mopele ku vana va ndi lambalala,+Momo ovo va pama calua okuti, ame ci sule.
7 Njupe vokayike,Oco ndi sivaye onduko yove.
Vakuesunga va likongele kokuange
Momo ove o ndi tata lohenda.
