Olosamo 140:1-13
Kusongui wolonjimbi. Osamo ya Daviti.
140 A Yehova, mopele kolondingaĩvi;Ndi teyuile kolongangala,+
2 Ku vana va sokiya evĩho vovitima viavo,+Kuenda va linga uyaki eteke liosi.
3 Ovo va lepika elimi liavo ndeli lionyõha;+Owule wolombuta u kasi vemẽhi liovimẽla viavo.+ (Sela)
4 Ndi teyuile, A Yehova, peka liolondingaĩvi;+Ndi lave kolongangala,Vana va linga esokiyo oco ndi lilondoke.
5 Vakuepela va ndi selekela onjanjo;Kuenda va yala onjanjo* yovikolo vonjila yange.+
Va ndi petuila olonjanjo.+ (Sela)
6 Ndi sapuila Yehova hati: “Ove wu Suku yange.
A Yehova, yevelela apingilo ange ekuatiso.”+
7 A Yehova Ñala Tõlo, Upopeli wange wa pama,Ove o ndi teyuila* keteke liuyaki.+
8 A Yehova, ku ka tẽlise olonjongole violondingaĩvi.
Ku ka ecelele okuti, va litunda ciwa kasokiyo avo ãvi, oco ka va ka lipande.+ (Sela)
9 Ovitue via vana va ndi ñuala,Vi sitikiwe lũvi omẽla wavo u popia.+
10 Akala ondalu a va lokele.+
Ovo va imbiwe vondalu,Vovitunu* via longa+ okuti, lalimue eteke va votoka vali.
11 Ukualundi ka ka sange ocitumãlo cimue kilu lieve.*+
Evĩho li landule omanu olongangala loku va kundula.
12 Nda kũlĩha okuti Yehova o ka teyuila osukeKuenda o ka linga esunga kohukũi.+
13 Vakuesunga va ka eca olopandu konduko yove;Vana va suñama va ka kala kovaso yove.+
