Olosamo 115:1-18
115 Kokuetu hakoko, A Yehova, kokuetu hakoko,*Pole, eca ulamba konduko yove,+Omo liocisola cove ka ci pongoloka kuenda ocili cove.+
2 Momo lie olofeka vi popela viti:
“Suku yavo o kasi pi?”+
3 Suku yetu o kasi kovailu;Eye o linga cosi cu sanjuisa.
4 Oviteka viavo, opalata lulu okuti,Upange wovaka omunu.+
5 Ovio vi kuete omẽla, pole, ka vi tẽla oku vangula;+Vi kuete ovaso, pole, ka vi tẽla oku vanja;
6 Vi kuete ovatũi, pole, ka vi tẽla oku yeva;Vi kuete enyulu, pole, ka vitẽla oku lehũlũla;
7 Vi kuete ovaka, pole, ka vi tẽla oku kuata cimue;Vi kuete olomãhi, pole, ka vitẽla oku enda;+Penguli liavio ka pa tundi ondaka.+
8 Omanu vana va vi panga, va ka kala ndoviteka viaco,+La vosi vana va kolela kokuavio.+
9 A Isareli, kolela Yehova+Eye ekuatiso liove kuenda ociyepelo cove.+
10 Anjo ya Arone,+ kolela YehovaEye ekuatiso liove kuenda ociyepelo cove.
11 Ene wa sumbi Yehova, koleli Yehova+Eye ekuatiso liene kuenda ociyepelo cene.+
12 Yehova o tu ivaluka kuenda o ka tu sumũlũisa;Eye o ka sumũlũisa onjo ya Isareli;+O ka sumũlũisa onjo ya Arone.
13 Eye o ka sumũlũisa vana va sumbila Yehova,Ci kaile vatito kuenda vanene.
14 Yehova o ka lingisa okuti ene vulua,Ene kumue lomãla vene.*+
15 Yehova a ku sumũlũisi,+Una wa panga ilu kuenda ilu lieve.+
16 Catiamẽla kovailu, o-o a tiamẽla ku Yehova,+Pole, ilu lieve wa lieca komãla vomanu.+
17 Vana va fa ka va sivaya Yehova;+Ndaño vana va lokila kolofa.*+
18 Pole, etu tu ka sivaya YehovaOku upisa cilo kuenda otembo ka yi pui.
Sivayi Yehova!*
Atosi Pombuelo
^ Ale “Lacimue catiamẽla kokuetu, A Yehova, lacimue catiamẽla kokuetu.”
^ Lit., “omãla valume.”
^ Lit., “kuna kuõha.”
^ Ale “Aleluya!”
