Olosamo 148:1-14
148 Sivayi Yehova!*
Sivayi Yehova ene vu kasi kovailu,+U sivayi ene vu kasi kovitumãlo via lepa.
2 U sivayi ene angelo vaye vosi.+
U sivayi ene alohoka viaye viosi.+
3 U sivayi ene akumbi losãi.
U sivayi ene alombungululu viosi vi nina.+
4 U sivayi ene availu liovailuKuenda ovava kilu liovailu.
5 Ovio vi sivaye onduko ya Yehova,Momo eye wa handeleka kuenje ovio via lulikiwa.+
6 Eye wa vi seveta otembo ka yi pui;+Eye wa eca ocihandeleko cimue okuti ka ci pitahãliwa.+
7 Sivayi Yehova ene vu kasi kilu lieve,Ene vuviluvo vinene viokalunga kuenda vialondo osi ovava,
8 Ene aviliakulo, ociwe, ocikokoto kuenda alende a tekãva,Ehunguhungu liofela vi tẽlisa ondaka yaye,+
9 Ene alomunda kuenda oviwulu viosi,+Ene aviti viapako kuenda alosedru viosi,+
10 Ene avinyama viovusenge+ kuenda ovinyama viovimbo,Ene avinyama vi likoka posi kuenda olonjila,
11 Ene alosoma vio kilu lieve kumue lolofeka viosi,Ene alombuale lolonganji viosi vio kilu lieve,+
12 Ene amalẽhe alume kuenda amalẽhe akãi,*Akulu kumue lamalẽhe.
13 Ovio vi sivaye onduko ya Yehova,Momo onduko yaye ya velapo okuti, olonduko viosi vikuavo vi sule.+
Ulamba waye u kasi kilu liongongo kuenda liovailu.+
14 Eye o ka vokiya ongusu* yomanu vaye,Eye o vokiya ulamba ku vosi vana vo kolela,Omãla va Isareli okuti, omanu va amela kokuaye.
Sivayi Yehova!*
Atosi Pombuelo
^ Ale “Aleluya!”
^ Lit., “afeko vosombo.”
^ Lit., “o ka kemãlisa ombinga.”
^ Ale “Aleluya!”
