Olosamo 146:1-10
146 Sivayi Yehova!*+
Utima wange wosi u sivaye Yehova.+
2 Ndi ka sivaya Yehova vokuenda kuomuenyo wange wosi.
Ndi ka imbila Suku yange ovisungo viesivayo* osimbu ñasi lomuenyo.
3 Ko ka kapi ekolelo liene kolombuale,Ndaño komõla omunu, una ka tẽla oku nena epopelo.+
4 Efuimo liaye li tunda kuenje eye o tiukila posi;+Keteke liaco, ovisimĩlo viaye vi nyõleha.+
5 Wa sumũlũha omunu o kuete Suku ya Yakoba ndoñuatisi yaye,+Haeye o kapa elavoko liaye ku Yehova Suku yaye,+
6 Una wa panga ilu, longongoLokalunga kuenda ovina viosi vi kasimo,+Haeye Una okuti, ukuacili otembo yosi,+
7 Una o lekisa esunga ku vana va kembiwa,+Haeye Una eca okulia ku vana va kasi lonjala.
Yehova o yovola vana va kasi vokayike.*+
8 Yehova o patulula ovaso olomeke;+Yehova o votola vana va petama;+Yehova o sole vakuesunga.
9 Yehova o teyuila ovingendeleyi;Eye o tata omõla ka kuete isia kuenda ocimbumba,+Pole, o nyõla asokiyo ondingaĩvi.*+
10 Yehova o ka linga Osoma otembo ka yi pui,+A Siono, Suku yove o ka linga osoma kocitumbulukila locitumbulukila.
Sivayi Yehova!*
Atosi Pombuelo
^ Ale “Aleluya!”
^ Ale “oku linga ovisungo.”
^ Lit., “vana va kutiwa.”
^ Ale “o pengisa onjila yondingaĩvi.”
^ Ale “Aleluya!”
