Olosamo 60:1-12
Kusongui wolonjimbi; elaka liaco “Onelẽho Yonjivaluko.” Mikitama.* Osamo ya Daviti. Yoku longisa. Ceci eye a liyaka la Arama-Naharayima kuenda la Arama-Sova kuenje Yoava wa tiuka kuenda wa kundula 12.000 ya va Edome Vocimbota Comongua.+
60 A Suku, ove wa tu likala; ove wa nyõla oviteyuilo vietu.+
Ove wa temẽle letu; pole, cilo tu tambule vali!
2 Ove wa lulumisa ongongo; kuenje wa yi tola.
Semũlũla apangu ongongo, momo oyo yi kasi oku kupuka.
3 Ove wa kokela omanu vove oku tala ohali.
Ove wa tu kokela oku nyua ovinyu yi tu yengengisa.+
4 Votola* uti wepandela oco vana va ku sumbilaVa tile loku puluka kohonji. (Sela)
5 Oco vana o sole va yovuiwe,Tu popele leka liove liondio kuenda tu tambulule.+
6 Suku wa vangula voku kola kuaye* hati:
“Ndi ka sanjuka, ndi ka eca Sekeme ndocipiñalo komanu vange,+Loku upa oseteko Kocimbota* co Sukote.+
7 O Gileada ya tiamẽla kokuange ndeci Manase,+Kuenda Efarimi ocikoko* cutue wange;Yuda ombueti yange yoku viala.+
8 O Moavi ombasiya yange yoku yuila.+
Ndi ka imba olohaku viange ko Edome.+
Ndi ka kaluka lonjolela momo ndi ka yula Filisiti.”+
9 Helie o ka ndi tuala kolupale lua ñualiwa ocingonja?*
Helie o ka ndi songuila toke ko Edome?+
10 Haveko hẽ, A Suku, una wa tu likala,Suku yetu, una ka endaenda vali lolohoka vietu?+
11 Tu kuatise kohali yetu,Momo epopelo liomanu ka li silivila.+
12 Suku o ka tu ĩha ongusu,+Kuenda o ka kosa ovanyãli vetu.+
Atosi Pombuelo
^ Tala Elomboluilo.
^ Ale pamue, “Ove wa eca.”
^ Ale pamue, “vocitumãlo caye ci kola.”
^ Ale “Ketapi Lia Vomba.”
^ Lit., “ociteyuilo.”
^ Ale pamue, “lu kuete oviteyuilo.”
