Helie o pondola oku endako?

Omanu vosi va lalekiwa. Lianja oco o laleke akamba kuenda enju lepata liove.

Ohongele yaco yi tumãla otembo yiñami?

Yi tumãla owola yimosi.

Kocitumãlo cipi ohongele yaco yi ka lingiwila?

Sandiliya Olombangi Via Yehova oco vi ku lomboluile ocitumãlo ku ka lingiwila ohongele yaco.

Oco ndi kaile kohongele yaco ndi sukila hẽ oku feta olombongo?

Sio.

Ku ka konguiwa hẽ olombongo?

Sio. Kolohongele vietu ka tu kongola olombongo.—Mateo 10:8.

Kuli hẽ uwalo umue u likasi omunu a sukila oku wala?

Sio. Pole, Olombangi Via Yehova vi likolisilako oku wala lonjila yimue yi lekisa esumbilo kepuluvi liaco li kola.

Nye ci ka lingiwa Kocipito Conjivaluko?

Ohongele yi fetika locisungo cimue, loku sulila locisungo cimue kuenda ohutililo yi lingiwa Lombangi yimue ya Yehova. Vesokiyo liohongele yaco, mua kongela ohundo yi lombolola esilivilo liolofa via Yesu kuenda ndomo tu kuatisiwa leci Suku kuenda Kristu va tu lingila.

Oco o kũlĩhe ovina vikuavo, tanga ocipama losapi, “Momo Lie Olombangi Via Yehova vi Lingila Ocipito Condalelo ya Ñala Lonjila ya Litepa Latavo Akuavo?”

Otembo yipi ku ka lingiwa Ocipito Conjivaluko kanyamo a kuãimo?

2027: Vosengunda keteke 22 Yelombo

2028: Calumingu keteke 9 ya Kupupu

2029: Vokuãla keteke 29 Yelombo