Olosamo 96:1-13
96 Imbili Yehova ocisungo cimue cokaliye.+
Imbili Yehova ocisungo, a ilu lieve liosi!+
2 Imbili Yehova ocisungo; sivayi onduko yaye.
Sapuli olondaka viwa viepopelo liaye eteke leteke.+
3 Sapuli ulamba waye pokati kolofeka,Lovopange aye a komõhisa pokati komanu vosi.+
4 Momo, Yehova unene kuenda o sesamẽla esivayo lialua.
Eye o komõhisa calua okuti, olosuku viosi vikuavo vi sule.
5 Olosuku viosi viomanu, olosuku ka vi kuete esilivilo,+Pole, Yehova eye una wa lulika ovailu.+
6 Kovaso aye kuli ulamba* kuenda eposo;+Ongusu kuenda eposo, vi kasi kocitumãlo caye ci kola.+
7 Eci ku Yehova eci a sesamẽla, ene apata vomanu,Eci ku Yehova eci a sesamẽla omo liulamba kuenda ongusu yaye.+
8 Eci ku Yehova ulamba onduko yaye yi sesamẽla.+
Neni ombanjaile yimue kuenda iñili kovitali viaye.
9 Kekamẽli* Yehova lovowalo a kola;*Lulumĩli kovaso aye, a ilu lieve liosi!
10 Sapuli pokati kolofeka hati: “Yehova wa linga Osoma!+
Ilu lieve* lia kolisiwa; olio ka li sengiwa.*
Eye o ka sombisa* omanu lesunga.”+
11 Ovailu a sanjuke kuenda ilu lieve li yolele;Okalunga ka ndindime lovina viosi vieyukamo;+
12 Ovapia kuenda ovina viosi vi kasimo vi sanjuke.+
Vepuluvi limuamue, oviti viovusenge vi kaluke lesanju+
13 Kovaso a Yehova, momo eye o kasi oku iya,*Eye o kasi oku iya oco a sombise ilu lieve.
Eye o ka sombisa lesunga ilu lieve+Kuenda omanu lesunga liaye.+
Atosi Pombuelo
^ Ale “ekemãlo.”
^ Ale “Fendeli.”
^ Ale pamue, “omo lieposo lioku kola kuaye.”
^ Ale “osi yima ciwa.”
^ Ale “ka li tuñunyiwa.”
^ Ale “oku teyuila ocitangi.”
^ Ale “weya.”
