Olosamo 79:1-13
Osamo ya Asafe.+
79 A Suku, olofeka via iñila vocipiñalo cove;+Ovio via vĩhisa onembele yove yi kola;+Via pongolola o Yerusalãi oco yi linge ondunda yovingululu.+
2 Ovio via eca kolonjila viovailu ovivimbi viakuenje vove ndokuliaKuenda ositu ya vana va ku kolela kovinyama viovusenge vio kilu lieve.+
3 Via pesela osonde yavo ndovava vo Yerusalãi yosi,Kuenda ka pa supile laumue oco a va kende.+
4 Tua linga ocikuata cesepu komanu vana va lisungue letu;+Vana va tu ñuala, va tu pembula kuenda va tu yola epembe.
5 A Yehova, toke otembo yipi o ka tema? Otembo ka yi pui?+
Toke otembo yipi onyeño yove yi ka taima ndondalu?+
6 Lekisa onyeño yove kolofeka vina ka via ku kũlĩhĩleKuenda kovoviali ana ka a vilikiya onduko yove.+
7 Momo ovo va kundula olumue YakobaKuenda va lingisa ofeka yaye alunda.+
8 Ku ka tu kangise omo liakulueya a vakukululu yetu.+
Tu lekise lonjanga ohenda yove,+Momo tua lavisiwa calua.
9 Tu kuatise, A Suku yepopelo lietu,+Mekonda lionduko yove yulamba;Tu yovole kuenda ecela* akandu etu omo lionduko yove.+
10 Momo lie olofeka vi popela viti: “Suku yavo o kasi pi?”+
Kovaso etu, ci kũlĩhĩwe pokati kolofekaOkuti osonde yakuenje vove yina ya pesiwa, ya fetuluinyiwa.+
11 Yevelela oku leña leña kuolomandekua.+
Ndomo ci likuata lunene* wove walua, popela* vana va pisiwila olofa.*+
12 Fetuluinya ava va lisungue letu eci ci pitahãla olonjanja epanduvali,+Omo liesepu va ku lingila A Yehova.+
13 Kuenje etu tumanu vove, haetu tulomeme viocunda cove,+Tu ka ku pandula calua otembo ka yi pui;Kuenda tu ka sapula esivayo liove kocitumbulukila locitumbulukila.+
