Olosamo 91:1-16
91 Wosi una wa tunga vocivundilo* ca Fũ+O ka kala vemẽhi liulembo Wukuonene Wosi.+
2 Ndi ka sapuila Yehova hati: “Ove wucitililo cange kuenda wuciteyuilo cange,+Suku yange una nda kolela.”+
3 Momo eye o ka ku yovola konjanjo yukuakukuata olonjila,Kefengi li nyõla.
4 Ovonya aye a ka ku teyuila,Kuenda ove o ka sanda ocitililo vemẽhi liavava aye.+
Ocili caye+ ci ka kala ociyepelo cinene+ kuenda ocimbaka ceteyuilo.*
5 Ku ka kuatela usumba asaluiso wuteke,+Ale usongo u palãla lutanya,+
6 Ndaño efengi li lisandula kuteke,Ale enyõleho li pita ekumbi pongunji.
7 Ohulukãi yi ka kupukila konele yoveKuenda ekũi liolohulukãi konele yove yondio,Pole, lacimue cĩvi ci ka pita love.+
8 Ove o ka ci mola lika lovaso ove,O ka kala ombangi yeyambulo* liolondingaĩvi.
9 Omo okuti wa popia hati: “Yehova eye ocitililo cange,”Ove wa lingisa Fũ ndombonge yove;*+
10 Lacimue ocilunga ci keya kokuove,+Kuenda lalimue efengi li keya ocipepi lombalaka yove.
11 Momo eye o ka eca kovangelo vaye+ ocihandeleko cimue catiamẽla kokuove,Oco a ku teyuile kolonjila viove viosi.+
12 Ovo va ka ku yelula lovaka avo,+Oco ku ka vete omãhi yove kewe.+
13 Ove o ka liatela ohosi yumalẽhe kuenda ekuiva;O ka liatela eyove liohosi kuenda onyõha yinene.+
14 Suku wa popia hati: “Omo okuti eye o ndi* sole, ndu ko yovola.+
Ndu ko teyuila, momo eye wa kũlĩha* onduko yange.+
15 Eye o ka mbilikiya kuenje ame ndu ko tambulula.+
Ndi ka kala laye kotembo yohali.
Ndu ko yovola kuenda ndu ko kemãlisa.+
16 Ndu ko sumũlũisa lomuenyo wa longa.+
Kuenda ndu ko muisa ovilinga viange viepopelo.”*+
Atosi Pombuelo
^ Ale “vocitumãlo cuyombeki.”
^ Ale “ombindikiyo.”
^ Lit., “yefetuluinyo.”
^ Ale pamue, “ocitililo.”
^ Lit., “eye wa likongela kokuange.”
^ Ale “wa limbuka.”
^ Ale “o ka mola epopelo li tunda kokuange.”
