Olosamo 71:1-24
71 A Yehova, nda sanga ocitililo vokuove.
Lalimue eteke si ka kutisiwe osõi.+
2 Vesunga liove mopele kuenda ndi yovole.
Vonguila etũi liove* kokuange kuenda mopele.+
3 Kala ombonge yi kasi vesenje kokuangeMuna ndi pondola oku iñila otembo yosi.
Tuma omunu umue oco a mopele,Momo ove wusenje liange kuenda wuciteyuilo cange.+
4 A Suku yange, mopele peka liondingaĩvi,+Kunene wukuakutalisa ohali okuti, hukuesungako.
5 Momo ove wulavoko liange, A Ñala Tõlo Yehova;Nda kolela kokuove* tunde vutila wange.+
6 Ame nda kolela kokuove tunde eci nda citiwa;Ove wa njupa vimo lia ina yange.+
Ndu ku sivaya olonjanja viosi.
7 Omanu valua va komõha eci va mola eci ca pita lame,Pole, ove wucitililo cange ca koka.
8 Omẽla wange weyuka lesivayo liove;+Eteke liosi ndi sapula eci catiamẽla keposo liove.
9 Ku ka ndi likale ndaño muẽle ceci ndi kuka;+Ku ka ndi yanduluke eci ongusu yange yi tepuluka.+
10 Ovanyãli vange va vangula eci cĩvi catiamẽla kokuange,Kuenda vana va kasi oku sandiliya oku ndi ponda va linga usuanji,+
11 Va popia vati: “Suku wo yanduluka.
Tu u landuli kuenda tu u kuati, momo ka kuli laumue u popela.”+
12 A Suku, ku ka kale ocipãla lame.
A Suku yange, yayulako oku ndi kuatisa.+
13 Vana va kasi oku ñatukilaVa kutisiwe osõi loku nyõliwa.+
Vana va sandiliya ohali yangeVa yukisue losõi kuenda elaviso.+
14 Pole, catiamẽla kokuange, ndi kamamako oku talamẽla kokuove;Ndi ka vokiya kesivayo liove.
15 Omẽla wange u ka sapula esunga liove,+Lovilinga viove viepopelo eteke liosi,Ndaño okuti kokuange ovio vialua cimue oku vi tenda.+
16 Ngenda kuenda ndi ka sapula eci catiamẽla kovilinga viove viunene,A Ñala Tõlo Yehova;Ndi ka sapula esunga liove, liove lika.
17 A Suku, ove wa ndongisa tunde vutila wange,+Kuenda toke cilo ndi amamako oku sapula ovopange ove a komõhisa.+
18 A Suku, ndaño muẽle ceci ndi kuka leci ndi kuata owele, ku ka njanduluke.+
Ngecelele oku sapuila kocitumbulukila ci kuamamo eci catiamẽla kongusu* yoveKuenda eci catiamẽla kunene wove ku vosi vana va laika oku iya.+
19 A Suku, esunga liove linene calua;+Ove wa linga ovina vinene;A Suku, helie wa lisoka love?+
20 Ndaño okuti ove wa kokela okuti, ndi liyaka lovitangi vialua kuenda ohali,+Nyĩhe vali ongusu;Njupe vovava a longa o kilu lieve.+
21 Vokiya unene wange,Ndi teyuile kuenda ndi lembeleke.
22 Kuenje ndi ka ku sivaya locikuata covisikilo ca pangiwa lovikoloOmo liesunga liove, A Suku yange.+
Ndi ka ku imbila ovisungo viesivayo* lohalupa,A Una o Kola wa Isareli.
23 Omẽla wange u ka kaluka lonjolela osimbu ndu ku imbila ovisungo viesivayo,+Momo ove wa popela omuenyo wange.+
24 Elimi liange li ka popia* eci catiamẽla kesunga liove eteke liosi,+Momo vana va sandiliya oku ndi kundula, va ka kutisiwa osõi loku sepuiwa.+
Atosi Pombuelo
^ Ale “Petama kuenda yevelela.”
^ Ale “Ove wukolelo liange.”
^ Lit., “okuokuo.”
^ Ale “oku linga ovisungo.”
^ Ale “li ka sokolola.”
