Olosamo 12:1-8

  • Yehova o votoka oco a popele

    • Olondaka via Suku via lipua (6)

Kusongui wolonjimbi; via semũlũiwa vo Seminite.* Osamo ya Daviti. 12  A Yehova, mopele, momo omunu o pokola ka kasiko vali;Vana va koleliwa ka va kasi vali pokati komanu.  2  Ovo va vangula ovohembi omunu lukuavo;Ovo va eca epandiyo liesanda lomẽla* wavo kuenda va vangula lovitima vielimbi.*+  3  Yehova o ka teta ovimẽla viosi vi eca epandiyo liesanda,Kuenda elimi li lipanda calua,+  4  Eye o ka kundula vana va popia vati: “Etu tu ka yula lalimi etu. Tu talavaya lovimẽla vietu ndomo tua panga;Helie o kala cime cetu?”+  5  “Omo okuti olosuke vi talisiwa ohali,Omo lioku leña leña kuohukũi,+Ame ndi ka votoka” oco Yehova a popia. “Ndi ka va popela komunu wosi o va pembula.”  6  Olondaka via Yehova via lipua;+Ovio vi kasi ndopalata ya kanguiwa vofolono yotuma* okuti, ya yelisiwa olonjanja epanduvali.  7  A Yehova, ove o ka va lava;+O ka teyuila omunu lomunu pokati kavo kocitumbulukila eci, otembo ka yi pui.  8  Olondingaĩvi vi ñuala ñuala lelianjoMomo omãla vomanu va sandeka evĩho.+

Atosi Pombuelo

^ Lit., “va vangula lomẽla welimbi.”
^ Lit., “lutima umue kuenda utima ukuavo.”
^ Ale pamue, “vofolono yoku yengulula yi kasi posi.”