Olosamo 136:1-26
136 Eci olopandu ku Yehova, momo eye uwa;+Ocisola caye ka ci pongoloka ci kala otembo ka yi pui.+
2 Eci olopandu ku Suku yolosuku,+Momo ocisola caye ka ci pongoloka ci kala otembo ka yi pui.
3 Eci olopandu ku Ñala yoloñala,Momo ocisola caye ka ci pongoloka ci kala otembo ka yi pui.
4 Eye lika waye o linga ovikomo vinene,+Momo ocisola caye ka ci pongoloka ci kala otembo ka yi pui.+
5 Eye wa panga* ovailu luloño,+Momo ocisola caye ka ci pongoloka ci kala otembo ka yi pui.
6 Eye wa tumbika ilu lieve kilu liovava,+Momo ocisola caye ka ci pongoloka ci kala otembo ka yi pui.
7 Eye wa panga ovinyi vinene,+Momo ocisola caye ka ci pongoloka ci kala otembo ka yi pui,
8 Ekumbi oco li viale kutanya,+Momo ocisola caye ka ci pongoloka ci kala otembo ka yi pui,
9 Osãi kuenda olombungululu oco vi viale kuteke,+Momo ocisola caye ka ci pongoloka ci kala otembo ka yi pui.
10 Eye wa ponda olonuñulu vio Kegito,+Momo ocisola caye ka ci pongoloka ci kala otembo ka yi pui.
11 Eye wopa Isareli pokati kavo,+Momo ocisola caye ka ci pongoloka ci kala otembo ka yi pui,
12 Leka lia pama+ kuenda okuokuo kuolõha,Momo ocisola caye ka ci pongoloka ci kala otembo ka yi pui.
13 Eye wa tepa Okalunga Kakusuka volonepa vivali,+Momo ocisola caye ka ci pongoloka ci kala otembo ka yi pui.
14 Eye wa lingisa Isareli oku pita pokati kaco,+Momo ocisola caye ka ci pongoloka ci kala otembo ka yi pui.
15 Eye wa imba Fareo lolohoka viaye Vokalunga Kakusuka,+Momo ocisola caye ka ci pongoloka ci kala otembo ka yi pui.
16 Eye wa songuila omanu vaye vekalasoko,+Momo ocisola caye ka ci pongoloka ci kala otembo ka yi pui.
17 Eye wa kundula olosoma vinene,+Momo ocisola caye ka ci pongoloka ci kala otembo ka yi pui.
18 Eye wa ponda olosoma via pama,Momo ocisola caye ka ci pongoloka ci kala otembo ka yi pui,
19 Sihoni+ soma ya va Amori,Momo ocisola caye ka ci pongoloka ci kala otembo ka yi pui,
20 Kuenda Oge+ soma yo Basiane,Momo ocisola caye ka ci pongoloka ci kala otembo ka yi pui.
21 Eye wa eca ofeka yavo ndocipiñalo,+Momo ocisola caye ka ci pongoloka ci kala otembo ka yi pui,
22 Ocipiñalo cimue ku Isareli ukuenje waye,Momo ocisola caye ka ci pongoloka ci kala otembo ka yi pui.
23 Eye wa tu ivaluka eci tua kapiwa kutito,+Momo ocisola caye ka ci pongoloka ci kala otembo ka yi pui.+
24 Eye wamamako oku tu popela kovanyãli vetu,+Momo ocisola caye ka ci pongoloka ci kala otembo ka yi pui.
25 Eye eca okulia kovina viosi vi kasi lomuenyo,+Momo ocisola caye ka ci pongoloka ci kala otembo ka yi pui.
26 Eci olopandu ku Suku yovailu,Momo ocisola caye ka ci pongoloka ci kala otembo ka yi pui.
Atosi Pombuelo
^ Ale “wa panga lelomboloko.”
