Olosamo 28:1-9
-
Ohutililo yukualosamo yi yeviwa
-
‘Yehova eye ongusu yange haeye ociyepelo cange’ (7)
-
Osamo ya Daviti.
28 Ndamamako oku ku vilikiya, A Yehova, a Handa yange;+Njevelele.
Nda wamamako okuti ku nambulula,Ndi ka kala nda vana va kasi oku lokila vocitunu.*+
2 Yevelela apingilo ange eci ndi kaluka oku pinga ekuatiso kokuove,Eci ndi tulika ovaka ange osimbu njimba ovaso kohondo yo vokati yocitumãlo cove ci kola.+
3 Ku ka ndi kokele kumue lolondingaĩvi, vina vi lingainga eci cĩvi,+Vina vi kasi oku vangula olondaka viombembua lakamba vavo osimbu evĩho li kasi vovitima viavo.+
4 Va fetuluinyila ovilinga viavo,+Ndomo ci likuata lovilinga viavo vĩvi.
Va fetuluinya omo liupange wovaka avo,Ndomo ci likuata leci va lingainga.+
5 Momo ka va tiamisila utima kovopange a Yehova,+Ndaño kupange wovaka aye.+
Eye o ka va kupuila posi. Ka ka va kuatisa.
6 Yehova a sivayiwe,Momo wa yevelela apingilo ange ekuatiso.
7 Yehova eye ongusu yange+ haeye ociyepelo cange;+Utima wange wa kolela kokuaye.+
Nda tambula ekuatiso liaye kuenda utima wange wa sanjuka,Omo liaco, ndu u sivaya locisungo cange.
8 Yehova eye ongusu yomanu vaye;Eye ociteyuilo, haeye o nena epopelo linene kombuavekua yaye.+
9 Popela omanu vove kuenda sumũlũisa ocipiñalo cove.+
Linga ungombo wavo kuenda vambata vokuokuo kuove otembo ka yi pui.+
Atosi Pombuelo
^ Ale “veyambo.”
