Olosamo 81:1-16
Kusongui wolonjimbi catiamẽla ko Gitite.* Osamo ya Asafe.+
81 Kaluki lonjolela ku Suku, ongusu yetu.+
Imbili lolukandi Suku ya Yakoba.
2 Fetiki ocisungo kuenda kuati opandelu,Locileñi ca fina cohalupa kumue locikuata covisikilo ca pangiwa lovikolo.
3 Siki ombinga kosãi yokaliye,+Eci osãi yi linga ongalo keteke liocipito cetu.+
4 Momo eci ocisila cimue ku Isareli,Ocihandeleko ca Suku ya Yakoba.+
5 Eye wa ci tumbika ndonjivaluko ku Yosefe+Eci Eye a tunda oku katukila ofeka yo Egito.+
Nda yeva ondaka* yimue sia limbukile yiti:
6 “Ndopa ocilemo kepepe liaye;+Ovaka aye a yovoka kekualu.
7 Vohali yove wa vilikiya kuenje nda ku yovola;+Ame nda ku tambuluila velende liocilemĩlo.*+
Nda ku seteka kovava o ko Meriva.*+ (Sela)
8 Amanu vange yeveleli kuenje ndi ka eca elungulo kokuene.
A Isareli, nda wa njevelele ño nda hĩse!+
9 Pokati kove ka pa ka sangiwe osuku yiñi,Kuenda ku ka kekamẽle kosuku yimue ocingendeleyi.+
10 Ame ndi Yehova, ndi Suku yove,Una wa ku upa vofeka Yegito.+
Asama ciwa omẽla wove kuenje ndi ka yukisamo okulia.+
11 Pole, omanu vange ka va yevele ondaka yange;Isareli wa likala oku ndi pokola.+
12 Omo liaco, ame nda ecelela okuti ovo va kuama ovitima viavo via siva;Ovo va linga ovina va sima okuti, via sunguluka.*+
13 Nda omanu vange va yevelile kokuange,+Nda Isareli wa endelele volonjila viange, nda hĩse!+
14 Ame nda nda kapa kutito ovanyãli vavo lulelu;Nda nda yambula ovanyãli vavo.+
15 Vana va suvuka Yehova, va ka luluma lusumba kovaso aye,Kuenda eyambulo liavo li ka kala otembo ka yi pui.
16 Pole, eye o ka ku* tekula lotiliku ya piãla koku fina*+Kuenda o ka ku kutisa lowiki u tunda vesenje.”+
Atosi Pombuelo
^ Tala Elomboluilo.
^ Ale “elimi.”
^ Lit., “kocitumãlo ca wunda cocilemĩlo.”
^ Ci lomboloka “Oku Hoya.”
^ Lit., “Ovo va endela valungulo avo.”
^ Lit., “eye,” okuti, omanu va Suku.
^ Lit., “ulela wotiliku.”
