Olosamo 7:1-17
-
Yehova Onganji yimue yesunga
-
“A Yehova, ndi sombise” (8)
-
Ocisungo ca Daviti coku lisiõsiõla* cina eye a imbila Yehova catiamẽla kolondaka via Kusi u Benjamini.
7 A Yehova Suku yange, nda sanga eteyuilo kokuove.+
Mopele komanu vosi va ndi lambalala kuenda njovole.+
2 Sanga ovo va ka ndi nyanyõla ndeci ohosi yi linga,+Va ka ndi kuata okuti, ka ku kala laumue o ndi yovola.
3 A Yehova Suku yange, nda nda linga cimue cĩvi,Nda nda linga cimue okuti hacesungako,
4 Nda nda linga cimue cĩvi komunu wa ndingila eci ciwa,+Ale nda nda punda unyãli wange okuti, sia kuatele esunga lioku ci linga,*
5 Unyãli umue a ndi landule loku ndi kuata;Ecelela okuti, eye o kosela omuenyo wange kilu lieveKuenda a kokele ulamba wange oku nyõleha voneketela. (Sela)
6 A Yehova, votoka vonyeño yove;Tamalãla lonyeño yovanyãli vange;+Katuka oco o ndi kuatise kuenda handeleka oco ku lingiwe esunga.+
7 Olofeka vi ku ñuale;Kuenda ove vi sombisa oku upisa kocalo cove.
8 Yehova o ka tetuluila omanu.+
A Yehova, ndi sombise ndomo ci likuata lesunga liangeKuenda ndomo ci likuata lesunguluko liange.+
9 Linga ohenda, malako ovilinga vĩvi violondingaĩvi.
Pole, kuatisa vakuesunga,+Momo ove wu Suku yesunga+ haive o kũlĩhĩsa ovitima+ kuenda ovisimĩlo via longa.*+
10 Suku eye ociyepelo cange+ haeye Upopeli wa vana va kuete utima wa suñama.+
11 Suku eye Onganji yesunga,+Kuenda Suku o sapula asombiso* aye eteke leteke.
12 Nda omunu umue ka likekembela+ Suku o lepika osipata yaye;+Kuenda o lumbilila ohonji yaye loku yi pongiya.+
13 Eye o pongiya ovimãleho viaye vi ponda;Eye o pongiya ovisongo viaye viondalu.+
14 Tali una wemina evĩho;Eye omina ovitangi kuenje o cita ovohembi.+
15 Eye o fẽla ocitunu cimue loku ci lingisa okuti ci longa,Pole, o kupukila vocitunu eye a fẽla.+
16 Ovitangi eye a koka vi tiukila kutue waye muẽle;+Ungangala waye u tiukila kokuaye.
17 Ndi ka sivaya Yehova omo liesunga liaye;+Ndi ka imba ovisungo viesivayo* vonduko ya Yehova+ Fũ.+
Atosi Pombuelo
^ Ale “ocisungo cesumuo.”
^ Ale pamue, “Osimbu nda yovola una o ndi katukila okuti ka kuete esunga lioku ci linga.”
^ Ale “o seteka ovitima kuenda olongẽla.”
^ Ale “o pesela apiso.”
^ Ale “oku linga ovisungo.”
