Olosamo 110:1-7
Osamo ya Daviti.
110 Yehova wa sapuila Ñala yange hati:
“Tumãla kondio yange+Toke eci ndi kapa ovanyãli vove ndociliatelo colomãhi viove.”*+
2 Yehova o koluĩla epangati liunene wove oku upisa ko Siono loku popia hati:
“Kuende, viala pokati kovanyãli vove.”+
3 Omanu vove va ka lieca lutima wosi keteke liunene wolohoka viove.*
Ovo veya voku kola kua fina, koku tola kuongula,Ove o kuete ocimunga cove camalẽhe va kasi ndatosi owume.
4 Yehova wa linga ocisila cimue kuenda eye ka ka pongolola ocisimĩlo caye* cokuti:
“Ove wucitunda otembo ka yi pui+Ndeci Melikisedeke!”+
5 Yehova o ka talama kondio yove;+Eye o ka nyanyõla olosoma keteke lionyeño yaye.+
6 Eye o ka linga esombiso pokati kolofeka;+Eye o ka yukisa ilu lieve lovivimbi.+
O ka nyanyõla usongui* wo kilu lieve liosi.
7 Eye* o ka nyua ovava volui kohulo yonjila.
Kuenje eye o ka petula utue waye.
Atosi Pombuelo
^ Ale “Toke eci ndi lingisa ovanyãli vove ndocitumãlo coku kapa olomãhi viove.”
^ Ale “keteke olohoka viove vi lipongiya.”
^ Ale “eye ka ka litiukamo.”
^ Lit., “utue.”
^ Yi tiamisiwila ku “Ñala yange” vocin. 1.
