Olosamo 92:1-15
Osamo. Ocisungo cimue ceteke Liesambata.
92 Ciwa oku eca olopandu kokuove, A Yehova+Kuenda oku imbila onduko yove ovisungo viesivayo,* A Fũ,
2 Loku sapula ocisola cove ka ci pongoloka+ komẽleKuenda ocili cove vokuenda kuteke,
3 Ci kuamiwa locikuata covisikilo ca pangiwa lovikolo ekũi,Locileñi cohalupa yi sika ciwa.+
4 Momo, ove wa ndi sanjuisa, A Yehova omo liovilinga viove;Ndi kaluka lesanju omo liovopange ovaka ove.
5 Ovopange ove a komõhisa cimue, A Yehova!+
Ovisimĩlo viove via longa cimue!+
6 Lomue omunu wa kamba olondunge o pondola oku vi kũlĩha;Lalimue eveke li pondola oku kuata elomboloko lieci:+
7 Eci olondingaĩvi vi yova ndowanguKuenda vakuevĩho vosi va telẽha,Eci ciyililako, oku nyõliwa otembo ka yi pui.+
8 Pole, ove o kemãlisiwa otembo ka yi pui, A Yehova.
9 Ocili, vanja leyulo kovanyãli vove, A Yehova,Vanja ndomo ovanyãli vove va ka kunduiwa;Vakuevĩho vosi va ka sanduiwa.+
10 Pole, ove o ka vokiya ongusu* yange ndeyi yongombe yovusenge;Ndi ka sieketa ulela utalala kekova liange.+
11 Ovaso ange a ka vanja leyulo kovanyãli vange;+Ovatũi ange a ka yeva eci catiamẽla koku kupuka kuolondingaĩvi vi ñatukila.
12 Pole, olondingesunga vi ka telẽha nduti wevaKuenda vi ka kula nduti wosedru wo ko Levanone.+
13 Ovio vi kũliwa vonjo ya Yehova;Vi telẽhela vovitali via Suku yetu.+
14 Ndaño voku kuka* vi ka ima apako;+Vi kamamako longusu* kuenda oku talala,+
15 Loku sapula okuti Yehova wa suñama.
Eye Handa yange,+ lalimue eteke a linga cimue cĩvi.
Atosi Pombuelo
^ Ale “oku linga ovisungo.”
^ Lit., “oku kemãlisa ombinga.”
^ Ale “eci vi kuata owele.”
^ Lit., “oku lẽla.”
