Olosamo 69:1-36
Kusongui wolonjimbi; elaka liaco “Olonelẽho.” Osamo ya Daviti.
69 A Suku, mopele, momo ovava nda a njupa omuenyo wange.+
2 Nda vomba volonata via longa, apa ka pali osi ya kõla.+
Nda iñila vovava a longa,Kuenda endunde lia pama liovava lia ndi koka.+
3 Nda kava loku vilikiya;+Ondaka yange ya sita.
Ovaso ange a vuvala osimbu ndi kevelela ku Suku yange.+
4 Vana va ndi suvuka okuti, ka va kuete esunga lioku ci linga+Valua enene okuti, esinga liutue wange li sule.
Vana va yongola oku ndi ponda,Okuti ovanyãli vange vakuelimbi* va livokiya.
Ame nda kisikiwa oku feta ovina sia nyanele.
5 A Suku, ove wa kũlĩha ovina viuveke nda linga,Kuenda eko liange ka lia vundisiwile kokuove.
6 Vana va lavoka kokuove ka va ka kutisiwe osõi mekonda liange,A Ñala Tõlo, Yehova ukualohoka.
Vana va ku sanda ka va ka lavisiwe mekonda liange,A Suku ya Isareli.
7 Ndi sepuiwa mekonda liove;+Osõi yi sitika ocipala cange.+
8 Nda linga ndomunu ka kũlĩhĩwile ku vamanjange,Ndocingendeleyi komãla va ina yange.+
9 Ombili ñuetele onjo yove, yi ndia,+Kuenda esepu lia vana va ku sepula li ndi wila.+
10 Eci nda liketisa poku likandangiya oku lia,*Nda pembuiwa.
11 Eci nda wala ovikelẽyi,Kokuavo nda kala ocikuata cesepu.*
12 Nda linga ombangulo ya vana va tumãla pombundi yolupale,Oloholua via ndi lingisa osapi yovisungo viavo.
13 Pole, ohutililo yange yi pitĩle kokuove,A Yehova, votembo ya sunguluka.+
A Suku, vocisola cove calua haico ka ci pongoloka,Ndi tambulule kuenda lekisa okuti, ove wupopeli wocili.+
14 Ndi yovole volonata;Ku ka ecelele okuti ndi vomba.
Ndi yovole ku vana va ndi suvuka,Kuenda kovava a longa.+
15 Ku ka ecelele okuti endunde lia pama liovava li ndi koka,+Ale oku ecelela ovava a longa oku ndi ina,Pamue oku ecelela ocisimo* oku yika omẽla wayo kokuange.+
16 A Yehova, nambulule, momo ocisola cove ka ci pongoloka ciwa.+
Tiuka kokuange ndomo ci likuata lohenda yove yalua,+
17 Ku ka vundise ocipala cove kukuenje wove.+
Nambulule lonjanga, momo ñasi vohali.+
18 Amela kokuange kuenda ndi yovole;Ndi yovole kovanyãli vange.
19 Ove wa kũlĩha esepu liange, losõi yange kuenda elaviso liange.+
Ove o lete ovanyãli vange vosi.
20 Esepu lia teya utima wange kuenda epute ka li kayi.*
Nda kala oku lavoka ohenda, pole, ka kua kaile layimue,+Nda kala oku lavoka olondembeleki, pole, sia sangele layimue.+
21 Pole, va nyĩha inenu* okuti okulia hakuoko,+Kuenda omo lienyona liange, va nyĩha indangele oco ndi nyue.+
22 Omesa yavo yi linge ociliva kokuavo,Kuenda ukuasi wavo u linge onjanjo.+
23 Ovaso avo a tekãve oco ka va ka tẽle oku mola,Kuenda ovolu* avo a lulume olonjanja viosi.
24 Onyeño yove yi va wile,Kuenda onyeño yove yalua yi va wengukile.+
25 Ocilombo* cavo ci siale upolokoso;Volombalaka viavo ka mu ka kale olonungi.+
26 Momo ovo va landula una ove wa valula,Kuenda ovo vamamako oku vangula eci catiamẽla ku vana ove wa lemẽha.
27 Keko liavo vokiyako vali eko,Kuenda ovo ka va ka tendiwe okuti vakuesunga kokuove.
28 Olonduko viavo vi kunguiwe velivulu liomuenyo,+Kuenda ovo ka va ka sonehiwe kumue lolonduko via vakuesunga.+
29 Pole, ame ñasi lohali kuenda ndi yevite evalo.+
Mopele A Suku kuenda ndi teyuile.
30 Ndi ka imbila onduko ya Suku ovisungo viesivayo,Kuenda ndu ko kemainya lolopandu.
31 Eci ci ka sanjuisa vali Yehova okuti, ovilumba violongombe vi sule,Okuti onãle yi kuete olombinga lakonjo yi sule.+
32 Ambombe va ka ci mola kuenje va ka sanjuka.
Ene vu kasi oku sanda Suku, ovitima viene vi pamisiwe.
33 Momo Yehova o yevelela ohukũi,+Kuenda eye ka ka pembula omanu vaye olomandekua.+
34 Ilu longongo viu sivaye,+Kumue lokalunga lovina viosi vi kasimo.
35 Momo Suku o ka popela o Siono,+Kuenda o ka tumbulula alupale o Yuda,Kuenje ovo va ka tungamo loku yi* piñala.
36 Ovitumbulukila viakuenje vaye vi ka piñala ofeka,+Kuenda vana va sole onduko yaye,+ omo va ka tunga.
Atosi Pombuelo
^ Ale “ovanyãli ka va kuete esunga lioku ci linga.”
^ Ale pamue, “Eci nda lila loku likandangiya oku lia.”
^ Lit., “olusapo.”
^ Ale “ocitunu.”
^ Ale “kuenda nda pua elavoko.”
^ Ale “ocikũla cimue ci kuete inenu.”
^ Lit., “oviongo.”
^ Ale “ocilombo ci kuete ovimbaka.”
^ Okuti, ofeka.
