Olosamo 58:1-11
-
Kuli Suku umue o sombisa ilu lieve
-
Ohutililo yoku kangisa ondingaĩvi (6-8)
-
Kusongui wolonjimbi; elaka liaco “Ku ka Nyõle.” Osamo ya Daviti. Mikitama.*
58 Osimbu wõhi, vu pondola ndati oku vangula eci catiamẽla kesunga?+
Ene amãla vomanu, vu pondola hẽ oku sombisa lesunga?+
2 Pole, vovitima viene vu sokiya eci ka ca sungulukile,+Kuenda ovaka ene a sandola ungangala kilu lieve.+
3 Olondingaĩvi vi yapuka* tunde eci vi citiwa;*Ovio vakuovasi haivio olohembi tunde otembo via citiwa.
4 Owule wavio wa lisoka lowule wolonyõha;+Ovio ovisitatũi ndekuiva li sitika etũi lialio.
5 Olio ka li yevelela ondaka yovimbanda,Ndaño via loñoloha katutu avio.
6 A Suku, teya ovayo a kasi vomẽla wavio!
A Yehova, nyõla olombanjo violohosi* evi!
7 Ovanyãli va takate ndovava a pita lolupesi.
Suku a lumbilile ohonji yaye kuenda a va kokele oku kupuka omo liovisongo viaye muẽle.
8 Ovo va kale ndehotio li yenguluka osimbu li kasi oku enda;Ndoñaña ya pulumuiwa okuti, lalimue eteke yi ka mola ekumbi.
9 Osimbu olombia viene ka via yevele owuya wocilavi,Suku ndehunguhungu liofela+ o kambata ovianja viosi vi talala, ovianja vitalala kuenda evi vi kasi oku pia londalu.
10 Ukuesunga o ka sanjuka momo wa mola efetuluinyo;+Olomãhi viaye, vi keyuka losonde yondingaĩvi.+
11 Kuenje omanu va ka popia vati: “Ocili muẽle, ukuesunga o kuete onima yiwa.+
Kuli muẽle Suku umue o sombisa kilu lieve.”+
