Olosamo 94:1-23
94 A Yehova, a Suku ukuefetuluinyo,+A Suku ukuefetuluinyo, lekisa ulamba wove!
2 Katuka, Anganji yo kilu lieve.+
Fetuluinya vakuakulipanda eci ovo va sesamẽla.+
3 Toke otembo yipi, A Yehova,Toke otembo yipi olondingaĩvi vi kamamako oku sanjuka?+
4 Ovio vi sanja olondaka vioku lipanda;Vosi vakuevĩho, va litunula.
5 Ovio vi nyanyõla omanu vove, A Yehova,+Kuenda vi talisa ohali ocipiñalo cove.
6 Ovio via ponda ocimbumba kuenda ocingendeleyi,Vi pondavo omãla ka va kuete isia.
7 Vi popia viti: “Yehova ka ci lete;+Suku ya Yakoba ka kũlĩhĩle eci ci kasi oku pita.”+
8 Ene wa kambi olondunge, kuati elomboloko lieci;Ene waveke, eteke lipi vu ka kuata elomboloko?+
9 Una wa panga* etũi, ka pondola hẽ oku yeva?
Una wa panga iso, ka pondola hẽ oku vanja?+
10 Una o pindisa olofeka, ka pondola hẽ oku lungula?+
Eye Una eca ukũlĩhĩso komanu!+
11 Yehova wa kũlĩha ovisimĩlo viomanu,Okuti ovio efuimo liaño.+
12 Wa sumũlũha omunu una ove o lungula, A Yehova,+Una ove o longisa pocakati cocihandeleko cove,+
13 Oco u wĩhe ombembua vokuenda kuoloneke viovitangi,Toke eci ondingaĩvi yi kupukila vocitunu.+
14 Momo Yehova ka ka nyehũla omanu vaye,+Ndaño oku yanduluka ocipiñalo caye.+
15 Momo yimue vali onjanja, esombiso li ka kala liesunga,Kuenda vosi va kuete utima wa suñama va ka li kuama.
16 Helie o ka ndi teyuila kolondingaĩvi?
Helie o ka ndi kuatisa ku vakuevĩho?
17 Nda Yehova ka kaile oñuatisi yange,Nda nda fa votembo yitito.*+
18 Eci nda popia hati: “Omãhi yange yi kasi oku sielũha,”Ocisola cove ka ci pongoloka, camamako oku ñuatisa, A Yehova.+
19 Eci asakalalo* a ndi wila,*Ove wa ndembeleka kuenda wa ndi tulumũla.+
20 Ocalo* ci koka ovitangi, ci pondola hẽ oku likongela loveOsimbu oco ci sokiya oku linga eci cĩvi vonduko yocihandeleko?*+
21 Ovo va katukila lungangala ukuesunga+Kuenda va pisa kolofa una ka kuete eko.*+
22 Pole, Yehova o ka kala ocitililo ca koka* kokuange,Suku yange eye ewe liange liocitililo.+
23 Eye o ka lingisa okuti ovilinga viavo viungangala, vi tiukila kokuavo.+
Eye o ka va kundula pocakati cũvi wavo muẽle.
Yehova Suku yetu o ka va kundula.+
Atosi Pombuelo
^ Lit., “wa kũla.”
^ Lit., “oku kala muna muõha.”
^ Ale “ovisimĩlo vi sakalaisa.”
^ Ale “a linga alua vokati kange.”
^ Ale “olombiali; olonganji.”
^ Ale “yocisila.”
^ Lit., “Kuenda osonde ya una ka kuete eko va yi tukula okuti yi kuete eko (yungangala).”
^ Ale “ocitililo ca lepa.”
