Olosamo 9:1-20
Kusongui wolonjimbi; catiamẽla ko Mute-labene.* Osamo ya Daviti.
א [Aleph]*
9 A Yehova, ndi ka ku sivaya lutima wange wosi;Ndi ka sapula eci catiamẽla kovopange ove osi a komõhisa.+
2 Ndi ka sanjuka loku yolela kokuove;A Suku Fũ, ndi ka imbila ovisungo viesivayo* onduko yove.+
ב [Beth]
3 Eci ovanyãli vange va tiukila konyima,+Ovo va ka lilondoka kuenda va ka nyõleha kovaso ove.
4 Momo ove o nyĩha esunga kuenda o ndi teyuila;O tumãla kocalo cove loku sombisa lesunga.+
ג [Gimel]
5 Ove wa lemẽla olofeka+ kuenda wa kundula olondingaĩvi,Loku imũla onduko yavo otembo ka yi pui.
6 Ovanyãli va kunduiwa pe;Cimuamue haico ca lingiwa lalupale,Kuenje onjivaluko yavo yosi yi ka nyõleha.+
ה [He]
7 Pole, Yehova o kasi kocalo caye otembo ka yi pui;+Eye wa tumbika ciwa ocalo caye oco a linge esunga.+
8 Eye o ka sombisa lesunga ilu lieve;*+Eye o ka sombisa olofeka ndomo ci likuata leci cesunga.+
ו [Waw]
9 Yehova o ka kala ocitililo ca koka* ku vana va tala ohali,+Ociteyuilo ca koka kotembo yohali.+
10 Vana va kũlĩha onduko yove va ka kolela kokuove;+A Yehova, ove lalimue eteke o ka yanduluka vana va ku sanda.+
ז [Zayin]
11 Imbili Yehova ovisungo viesivayo, una o kasi ko Siono;Sapuli ovilinga viaye pokati komanu.+
12 Eye o ka ivaluka vana va tala ohali kuenda o ka fetuluinya osonde yavo;+Eye ka ka ivalako oku liyula kua vana va tala ohali.+
ח [Heth]
13 A Yehova, lekisa ohenda kokuange; tala ohali yange ya kokiwa la vana va ndi suvuka,Ove una o njupa kolombundi vioku fa,+
14 Oco ndi sapule ovilinga viove viesivayo polombundi viomõla ukãi a Siono,+Loku sanjukila ovilinga viove viepopelo.+
ט [Teth]
15 Olofeka via kupukila vocitunu ovo muẽle va fẽla;Olomãhi viavo muẽle via kuatiwa lowanda ovo va petuile ndociliva.+
16 Yehova wa kũlĩhĩwa omo liasombiso a linga.+
Olondingãivi vi yapuisiwa lovopange ovaka avo muẽle.+
Higaion.* (Sela)
י [Yod]
17 Olondingaĩvi vi ka enda Konjembo,*Lolofeka viosi vina via ivalako Suku.
18 Pole, ohukũi ka yi ka ivaliwa otembo ka yi pui;+Ndaño elavoko liambombe lalimue eteke li ka nyõleha.+
כ [Kaph]
19 A Yehova votoka! Ku ka ecelele okuti omunu waño o yula.
Olofeka vi sombisiwe kovaso ove.+
20 A Yehova, va kokisa usumba,+Olofeka vi kũlĩhe okuti ovo omanu vaño. (Sela)
Atosi Pombuelo
^ Tala Elomboluilo.
^ Eyi oletala yatete yo ambesendaliu kelimi lio Heveru. Osamo eyi ya sonehiwa loku kuama ulala wo ambesendaliu.
^ Ale “oku linga ovisungo.”
^ Ale “osi yima.”
^ Ale “ociteyuilo ca lepa.”
^ Tala Elomboluilo.
^ Okuti, ocitumãlo mu kendiwa omanu va fa.
