Olosamo 53:1-6
Kusongui wolonjimbi; elaka liaco Mahalati.* Masikili.* Osamo ya Daviti.
53 Aveke va popia vovitima viavo vati:
“Ka kuli Yehova.”+
Ovilinga viavo via suvukiwa kuenda ka via sungulukile;Lomue o kasi oku linga eci ciwa.+
2 Pole, Suku oku upisa kilu, o vanja posi komãla vomanu+Oco a mole nda kuli umue o kuete olondunge, ale nda kuli umue o kasi oku sanda Yehova.+
3 Vosi yavo va tinduka;Vosi yavo vakuavitukiko.
Lomue o kasi oku linga eci ciwa,Ndaño umosi.+
4 Anga hẽ lomue pokati kolondingaĩvi o kuete elomboloko?
Ovio vi nyõla omanu va Suku lulelu ndu okuti vi kasi oku lia ombolo.
Ovio ka vi fendela Yehova.+
5 Pole, ovio vi ka kuata usumba walua,Okuti usumba waco lalimue eteke via u kuatele,*Momo Suku o ka sandola akepa a vana va ku katukila.*
Ove o ka va kutisa osõi, momo Yehova wa va likala.
6 Epopelo lia Isareli li tundilile ko Siono!+
Eci Yehova ongolola vali omanu vaye va kala kumandekua,Yakoba a yolele, Isareli a sanjuke.
Atosi Pombuelo
^ Tala Elomboluilo.
^ Tala Elomboluilo.
^ Ale pamue, “Usumba apa ka pali cimue coku yokokela.”
^ Lit., “va tunga ocilombo oco va ku katukile.”
