Olosamo 86:1-17
Ohutililo ya Daviti.
86 Vongola etũi liove,* A Yehova kuenda nambulule,Momo ñasi lohali kuenda ndihukũi.+
2 Lava omuenyo wange momo ame ndu ku sole kuenda ndi pokola kokuove.+
Popela ukuenje wove una wa kolela kokuove,Momo ove wu Suku yange.+
3 A Yehova lekisa ohenda kokuange,+Momo ame ndi vilikiya kokuove eteke liosi.+
4 Sanjuisa ukuenje wove,Momo nda kolela kokuove, A Yehova.
5 Momo ove uwa A Yehova,+ kuenda olonjanja viosi wa likapelako oku ecela;+Ocisola cove ka ci pongoloka, calua ku vosi vana va ku vilikiya.+
6 A Yehova yevelela ohutililo yange;Kuenda yevelela lutate apingilo ange ekuatiso.+
7 Ndi vilikiya kokuove keteke liohali yange,+Momo ove o ka ndi tambulula.+
8 Pokati kolosuku ka pali laumue wa lisoka love, A Yehova,+Ka kuli ovopange a lisoka la-a ove.+
9 Olofeka viosi vina wa lulikaVi keya loku kekamẽla kovaso ove A Yehova,+Kuenda vi ka eca ulamba konduko yove.+
10 Momo ove wunene kuenda o linga ovina vi komõhisa;+Ove, ove lika Suku.+
11 Ndi pindise A Yehova catiamẽla konjila yove.+
Ndi ka endela vocili cove.+
Ñuatise oku sumbila onduko yove lutima wosi.*+
12 A Yehova Suku yange, ndu ku sivaya lutima wange wosi,+Kuenda ndi ka sivaya onduko yove otembo ka yi pui,
13 Momo ocisola cove ka ci pongoloka, cinene kokuange,Kuenda ove wa popela omuenyo wange valondo Onjembo.*+
14 A Suku, omanu vakuepela va ndi katukila;+Ocimunga comanu olongangala ci sanda oku ndi ponda,Kuenda ovo ka va tiamisila ovisimĩlo viavo kokuove.*+
15 Pole, ove A Yehova, wu Suku umue ukuahenda kuenda ukuacikembe,O livala konyeño kuenda ukuacisola calua haico ka ci pongoloka haeve wa koleliwa.*+
16 Ñualela kokuange kuenda lekisa ohenda kokuange.+
Eca ongusu yove kukuenje wove,+Kuenda popela omõla wupika wove ufeko.
17 Ndekise ondimbukiso* yimue yuwa wove,Oco okuti vana va ndi nyãle, va yi mola kuenje va kutisiwa osõi.
Momo ove A Yehova, wuñuatisi yange kuenda wundembeleki.
Atosi Pombuelo
^ Ale “Petama kuenda yevelela.”
^ Ale “Nyĩhe utima umue ka wa tepiwile.”
^ Okuti, ocitumãlo mu kendiwa omanu va fa.
^ Ale “ovo ka va ku kapi kovaso avo.”
^ Ale “ukuacili.”
^ Ale “uvangi.”
