Olosamo 63:1-11
Osamo ya Daviti eci a kala vekalasoko lio Yuda.+
63 A Suku, ove wu Suku yange, ndi amamako oku ku sandiliya.+
Ame ndu ku kuetele enyona.+
Ame* nda hongua omo lioku ku livelaVofeka yimue ya kukuta haiyo yekango muna ka muli ovava.+
2 Kuenje nda ku vandekela kocitumãlo ci kola;Nda mola ongusu yove kuenda ulamba wove.+
3 Momo ocisola cove ka ci pongoloka, ca velapo okuti omuenyo u sule,+Omẽla wange u ka ku sivaya.+
4 Omo liaco, ndi ka ku sivaya vokuenda kuomuenyo wange wosi;Vonduko yove ndi ka tulika ovaka ange.
5 Nda sanjukila onepa ya velapo haiyo yukuasi,Omo liaco, londaka yonjolela ndi ka ku sivaya.+
6 Ndu ku ivaluka osimbu ndi kasi pula wange;Ndu ku sokolola vokati kuteke.+
7 Momo ove wuñuatisi yange,+Ame ndi kaluka lesanju vulembo wavava ove.+
8 Ame ndi kakatela kokuove;Eka liove liondio li ndi kuata longusu.+
9 Pole, vana va sanda oku nyõla omuenyo wange*Va ka lokila vocitunu colofa.
10 Ovo va ka pondiwa losipata;Ovo va ka kala okulia kuolombua viovusenge.*
11 Pole, soma o ka sanjuka omo lieci Suku o ko lingila.
Omunu wosi o lisinga Laye o ka yolela,*Momo omẽla wa vana va vangula ovohembi, u ka munĩhiwa.
Atosi Pombuelo
^ Lit., “Etimba liange.”
^ Ale “oku ndi ponda.”
^ Ocinyama cimue covusenge ca setahãla ombulu.
^ Ale “oku lipanda.”
