Olosamo 19:1-14
Kusongui wolonjimbi. Osamo ya Daviti.
19 Ovailu a sapula ulamba wa Suku;+O-o a* sapula upange wovaka aye.+
2 Eteke olio eteke olondaka viao vi tunda ndovava,Kuenda uteke luteke a situlula ukũlĩhĩso watiamẽla kokuaye.
3 Ka kuli upopi ndaño olondaka;Ondaka yao ka yi yeviwa.
4 Pole, ocileñi cao* ca pitĩla kilu lieve liosi,Kuenda esapulo liao lia pitĩla toke kasulilo o kilu lieve.*+
Kovailu eye wa tungila ekumbi ombalaka yimue;
5 Olio lia soka la sandombua okuti o nina eci a tunda vohondo yaye;Olio li sanjuka ndomunu wa pama o lupukila vonjila yaye.
6 Olio li tunda kesulilo limue liovailu,Kuenda li ñuala toke kesulilo likuavo;+Kuenje ka kuli ocitumãlo cimue okuti, owuya walio ka u pitĩlako.
7 Ocihandeleko ca Yehova ca li pua,+ ci tumbulula ongusu.+
Onumbi ya Yehova ya koleliwa,+ yi kokela omunu wa kamba olondunge oku kuata olondunge.+
8 Olonumbi via Yehova via sunguluka, vi kokela utima oku sanjuka;+Ovihandeleko via Yehova via li pua, vi eca olondunge komunu.+
9 Oku sumbila Yehova+ kuwa, ku kala otembo ka yi pui.
Asombiso a Yehova ocili, osi esunga.+
10 O-o a velapo calua okuti ulu u sule,A velapo vali okuti ulu walua wa fina* u sule,+A sõsã vali okuti owiki u sule,+ ndaño owiki u loka loka kocingo.
11 A Suku, pocakati covihandeleko viove o longisa ukuenje wove oku yuvula onjila yĩvi;+Oku vi kapako ku nena onima yalua.+
12 Helie o pondola oku limbuka akulueya aye muẽle?+
Ndi yelise kakandu sia lingile ocipango.
13 Tiula ukuenje wove kovilinga viepela;+Ku ka ecelele okuti ovio vi ndi yula.+
Kuenje ndi pua etondelo,+Si ka kuata eko liakandu anene.*
14 Olondaka viomẽla wange kuenda oku sokolola kuo vutima wangeVi ku sanjuise+ A Yehova, a Handa yange,+ haive Wupopeli wange.+
Atosi Pombuelo
^ Ale “esanjavalo li.”
^ Ale pamue, “ukolo woku seteka.”
^ Ale “osi yima.”
^ Ale “wa kanguiwa.”
^ Ale “liakulueya alua.”
