Olosamo 27:1-14
Osamo ya Daviti.
27 Yehova eye ocinyi cange+ kuenda epopelo liange.
Helie ndi yokokela?+
Yehova eye ociteyuilo comuenyo wange.+
Helie ndi kuatela usumba?
2 Eci olondingaĩvi via ndi katukila oco vi ndi kundule,+Ovanyãli vange vana va tamalãla lame, ovo va lilondoka kuenje va kupuka.
3 Ndaño olohoka vi ndi ñuala ocingonja oco vi ndi katukile,Utima wange ka u ka kuata usumba.+
Ndaño uyaki u ndi katukila,Haimo lumue ndi kamamako lekolelo.
4 Nda pinga ocina cimue ku YehovaKuenje eci oco ndi seteka oku tẽlisa,Okuti oku kala vonjo ya Yehova oloneke viosi viomuenyo wange,+Oco ndi sanjukile uwa wa YehovaLoku vandekela konembele yaye* lesanju.+
5 Momo eye o ka ndi vundisa vocitililo caye keteke liohali;+Eye o ka ndi salamisa vocitumãlo cuyombeki combalaka yaye.+
Eye o ka ndi kapa kilu liesenje.+
6 Kaliye ndi yula* ovanyãli vange vana va ndi ñuala ocingonja;Ndi lumbila ovilumba vombalaka yaye loku kaluka lesanju;Njimbila Yehova ovisungo viesivayo.*
7 A Yehova, njevelele eci mbilikiya lolukandi;+Ndekise ohenda kuenda nambulule.+
8 Utima wange u njivaluisa ocihandeleko cove cokuti:
“Sandi ocipala cange.”
A Yehova, ndi ka sanda ocipala cove.+
9 Ku ka ndi vundisile ocipala cove.+
Ku ka likale ukuenje wove lonyeño.
Ove wuñuatisi yange;+Ku ka njanduluke ale oku ndi sia, a Suku yange yepopelo.
10 Ndaño isiange ale ina yange va ndi yanduluka,+Yehova o ka ndi tambula.+
11 A Yehova, ndi pindise vonjila yove,+Ndi songuile velila lia suñama omo liovanyãli vange.
12 Ku ka ngece peka liovanyãli vange,+Momo olombangi viesanda via ndi katukila,+Kuenda vi ndi saluisa lungangala.
13 Pi nda ndi kasi, nda sia kuatele ekolelo,Okuti ndi mola uwa wa Yehova vofeka yava va kasi lomuenyo?*+
14 Talamẽla ku Yehova;+Kuata utõi loku pama.+
Ocili, talamẽla ku Yehova.
Atosi Pombuelo
^ Ale “ocitumãlo ci kola.”
^ Ale “oku linga ovisungo.”
^ Lit., “utue wange wa tulikiwa kilu.”
^ Ale pamue, “Ocili, ñuete ekolelo liokuti ndi ka mola uwa wa Yehova vofeka yava va kasi lomuenyo.”
