Sofonias 1:1-18
1 Say mensahe nen Jehova a sinmabi ed si Sofonias* ya anak nen Cusi ya anak nen Gedalias ya anak nen Amarias ya anak nen Hezekias diad saray agew nen Josias+ ya anak nen Amon+ ya ari na Juda:
2 “Paandien ko so amin a bengatla ed tapew na dalin,” so imbaga nen Jehova.+
3 “Paandien koy too tan say ayep.
Paandien ko iray manok ed tawen tan saray sira ed dayat,+Tan saray bengatlan pakagapolan*+ a pati saray mauges;Tan ekalen kod tapew na dalin iray totoo,” so imbaga nen Jehova.
4 “Iyunat koy limak sumpad JudaTan sumpad amin a manaayam ed Jerusalem,Tan paandien ko ed sayan pasen so amin a nakekeraan* ed si Baal,+Say ngaran na saray saserdote na sananey a dios a pati saray arum a saserdote,+
5 Tan saramay walad atep ya ondadakmomo ed saray bengatla ed katawenan,+Tan saramay ondadakmomo tan mansasamban manmatoor ed si Jehova+Balet mansasamba met iran manmatoor ed si Malcam;+
6 Tan saramay agla ontutumbok ed si Jehova+Tan agla manaanap odino mantetepet ed si Jehova.”+
7 Mandeen kayod arapan na Soberanon Katawan a Jehova, ta asingger la so agew nen Jehova.+
Angiparaan si Jehova na bagat; pinasanto to iramay inimbitaan to.
8 “Diad agew na pangibagat nen Jehova et mikuentaan ak ed saray prinsipe,Saray ananak na ari,+ tan amin iramay akasulong na kawes ed arum a bansa.
9 Diad satan ya agew et mikuentaan ak ed balang sakey ya onsasapat ed entablado,*Saramay papanoen day inkaruksa tan panagsaol so abung na katawan da.
10 Diad satan ya agew,” so imbaga nen Jehova,“Walay ungol na pannangis diad Puerta na Sira,+Panugaog diad Komaduan Distrito na syudad,+Tan maksil a tanol na inkagba manlapud saray pukdol.
11 Ugaog kayo, sikayo ran manaayam ed Maktes,*Ta inatey* lan amin so negosyante;*Aderal lan amin so managsimbang na pilak.
12 Diad satan ya agew et maalwar kon usisaen so Jerusalem diad panamegley na saray lamparaan,Tan mikuentaan ak ed saramay kampante,* ya ibabaga rad sarili da,‘Si Jehova et agmanggaway maabig, tan agmanggaway mauges.’+
13 Nasamsam so kayamanan da tan naderal iray kaabungan da.+
Mangipaalagey ira na kaabungan, balet agda panayaman;Tan mantanem ira na kaubasan, balet ag-ira oninum na alak na saratan.+
14 Asingger lay baleg ya agew nen Jehova!+
Asingger la itan tan mapmaples ya onsasabi!*+
Makapataktakot so ungol na agew nen Jehova.+
Diad satan et onakis so sundalo.+
15 Satan ya agew et agew na sanok,+Agew na gonigon tan kairapan,+Agew na bagyo tan kadederal,Agew ya ambilbilunget,+Agew na saray lurem tan makapal a bilunget,+
16 Agew na tambuyog tan eyag parad guerra,+Sumpad saray apadiran a syudad tan sumpad saray atagey a tori ed suyok.+
17 Gonigonen koy totoo,Tan manakar iran singa saray bulag,+Lapud nankasalanan ira ed si Jehova.+
Say dala ra et nikalbon singa dabok,Tan saray laman* da et nikalbon singa tai na ayep.+
18 Ag-ira niliktar na pilak da odino balitok da diad agew na sanok nen Jehova;+Ta ondalang so interon dalin diad mangapoy-apoy a seseg to,+Lapud sigpot ton deralen so amin a manaayam ed dalin, on, agaylan makapataktakot itan.”+
Paimanod leksab
^ Mankabaliksay “Inyamot (Insimpen) nen Jehova.”
^ Mapatnag a saray bengatla odino gagawaen a mikonektaan ed idolatriya.
^ Odino “pakapatnagan.”
^ Odino “podyum; entrada na puerta.” Posiblin say entablado na trono na ari.
^ Odino “managlako.”
^ Mapatnag a sakey a pasen ed Jerusalem ya asingger ed Puerta na Sira.
^ Literal, “apareen.”
^ Literal, “saramay magmamaliw a gaer,” a singa diad panagkargaay alak.
^ Odino “manapuran maong!”
^ Literal, “saray pait.”
