Josue 24:1-33

  • Impanonot nen Josue iray agawad Israel (1-13)

  • Bilin ed panlingkor ed si Jehova (14-24)

    • “Parad siak tan say pamilyak, manlingkor kamid si Jehova” (15)

  • Impisipanan nen Josue ed Israel (25-28)

  • Impatey tan inkiponpon nen Josue (29-31)

  • Inkotkot ed Siquem iray pukel nen Jose (32)

  • Impatey tan inkiponpon nen Eleazar (33)

24  Insan tinipon nen Josue ed Siquem so amin a tribu na Israel tan tinawag to ray mamatatken na Israel, saray ulo, saray ukom, tan saray opisyal da,+ tan inmalagey ira ed arapan na tuan Dios.  Inkuan nen Josue ed amin a totoo: “Oniay inkuan nen Jehova a Dios na Israel, ‘Diad biek na Ilog* so nanayaman nensaman+ na saray inmuunan atateng yo+—si Tera ya ama nen Abraham tan ama nen Nahor—tan nanlingkor ira nensaman ed arum a dirios.+  “‘Asabi panaon et inalak so inmunan ateng yon si Abraham+ manlapud biek na Ilog* tan sikatoy impanakar kod interon dalin na Canaan tan pinarakel koy ilalak* to.+ Inter kod sikato si Isaac;+  insan inter kod si Isaac si Jacob tan Esau.+ Diad saginonor et inter kod si Esau so Palandey Seir bilang kayarian to;+ tan linmad Ehipto si Jacob tan saray ananak to.+  Diad saginonor et imbakik si Moises tan Aaron,+ tan indapok ed Ehipto iray salot,+ insan ta kayo impaway.  Sanen impaway ko ray kaamaan yo ed Ehipto+ tan akasabi rad dayat, inusilan ira na saray Ehipsion akakarwahen pan-guerra tan akakabayo anggad Ambalangan Dayat.+  Tinmawag irad si Jehova,+ kanian inyan to so bilunget ed baetan yo tan saray Ehipsio tan insakbong tod sikara so dayat,+ tan anengneng yoy ginawak ed Ehipto.+ Insan nanayam kayod kalawakan diad dakel iran taon.*+  “‘Tan inyakar ta kayod dalin na saray Amoreo a manaayam ed biek* na Jordan, tan nilabanan da kayo.+ Balet inyawat ko rad sikayo pian nakayarian yoy dalin da, tan inupot ko rad arapan yo.+  Insan tinmalindeg si Balak ya anak nen Zipor, say ari na Moab, tan nilabanan toy Israel. Kanian impatawag toy Balaam ya anak nen Beor pian isamba to kayo.+ 10  Balet agko dinengel si Balaam.+ Kanian aminpiga to kayon benendisyonan,+ tan inliktar ta kayo manlapud lima to.+ 11  “‘Insan binmaliw kayod Jordan+ tan akasabi kayod Jerico.+ Tan akilaban ed sikayo iray papangulo* na Jerico, saray Amoreo, Perizeo, saray Canaanita, Heteo, Girgaseo, Heveo, tan saray Jebuseo, balet inyawat ko rad lima yo.+ 12  Antis kayon sinmabi et inyakar koy kaermenan,* kanian apataynan irad arapan yo+—duaran ari na saray Amoreo. Aliwan diad panamegley na espada tan pana yo.+ 13  Kanian inter ko ed sikayo so dalin ya agyo nansagpotan tan saray syudad ya agyo impaalagey,+ tan nanayam kayo ed saratan. Kakanen yoy bunga na saray kaubasan tan saray kiew ya olibo ya agyo intanem.’+ 14  “Kanian takotan yo si Jehova tan manlingkor kayod sikato tekep na integridad* tan inkamatoor,*+ tan ekal yo ray dirios a nanlingkoran na inmuunan atateng yo diad biek na Ilog* tan diad Ehipto,+ tan manlingkor kayod si Jehova. 15  Natan no mauges ed sikayo so panlingkor ed si Jehova, manpili kayod sayan agew no siopay panlingkoran yo,+ saray dirios a nanlingkoran na saray inmuunan atateng yo diad biek na Ilog*+ odino saray dirios na saray Amoreo a diad dalin da so panaayaman yo.+ Balet parad siak tan say pamilyak, manlingkor kamid si Jehova.” 16  Diad saya et oniay inyebat na saray totoo: “Agmin balot nagawaan a taynanan si Jehova tan manlingkor ed arum a dirios. 17  Si Jehova a Dios tayo so angipaway ed sikatayo tan ed saray kaamaan tayo diad dalin na Ehipto,+ manlapud abung ya akaaripenan tayo,+ tan sikato so nanggawa na makapakelaw iran tanda ed pakanengneng tayo,+ tan sinalimbengan to itayo diad amin a dalan a nanakaran tayo tan ed limog na amin a totoo a dinalanan tayo.+ 18  Pinataynan nen Jehova ed arapan tayo so amin a totoo, pati saray Amoreo, a manaayam ed sayan dalin. Kanian sikami, manlingkor kami met ed si Jehova, ta sikato so Dios mi.” 19  Insan oniay inkuan nen Josue ed saray totoo: “Agkayo makapanlingkor ed si Jehova, ta sikatoy masanton Dios;+ sikatoy Dios a kakaukolanen ton sikato labat so dayewen.+ Agto perdonaen so panrebelde* yo tan saray kasalanan yo.+ 20  No taynanan yoy Jehova tan manlingkor kayo ed sananey a dirios, sikatoy onsumpa met ed sikayo tan upoten to kayo kayari na impanggawa toy maabig parad sikayo.”+ 21  Balet inmebat iray totoo ed si Josue: “Andi, si Jehova so panlingkoran mi!”+ 22  Kanian inkuan nen Josue ed saray totoo: “Sikayon mismo so tasi a si Jehova so pinili yon panlingkoran.”+ Diad saya et inkuan da: “Sikami so tasi.” 23  “Ekal yo sirin iray sananey a dirios a walad limog yo, tan manlingkor kayod si Jehova a Dios na Israel diad interon puso yo.” 24  Inmebat iray totoo ed si Josue: “Si Jehova a Dios mi so panlingkoran mi, tan tuloken mi so boses to!” 25  Kanian diad saman ya agew et akisipanan si Josue ed saray totoo tan inikdan to ray totontonen tan ganggan diad Siquem. 26  Insan insulat nen Josue irayan salita diad libro na Ganggan+ na Dios tan sikatoy angala na sakey a baleg a bato+ tan inyan tod silong na baleg a kiew a walad abay na santuaryo nen Jehova. 27  Inkuan nen Josue ed amin a totoo: “Sayan bato so onkanan tasi sumpad sikatayo,+ ta nadngel na saya so amin ya imbaga nen Jehova ed sikatayo, tan onkana iyan tasi sumpad sikayo, pian agyo ipulisay so Dios yo.” 28  Diad saman et pinaonla la nen Josue iray totoo, kada sakey diad dalin a tawir to.+ 29  Kayari na sarayan bengatla, si Josue ya anak nen Nun, say lingkor nen Jehova, et inatey ed edad a 110.+ 30  Kanian sikatoy imponpon dad dalin a nasasakopan na tawir to diad Timnat-sera,+ a walad mapalandey a rehyon na Efraim, diad amianen na Palandey Gaas. 31  Nantultuloy a nanlingkor so Israel ed si Jehova diad amin ya agew nen Josue tan ed amin ya agew na saray mamatatken a nambilay ni kayari nen Josue tan makaamta met ed amin a ginawa nen Jehova parad Israel.+ 32  Saray pukel nen Jose,+ ya impaway na saray Israelita ed Ehipto, et inkotkot dad Siquem diad kabiangan na uma a sinaliw nen Jacob na 100 a piraso na kuarta+ ed saray ananak nen Hamor,+ say ama nen Siquem; tan nagmaliw itan a tawir na saray ananak nen Jose.+ 33  Inatey met si Eleazar ya anak nen Aaron.+ Kanian sikatoy imponpon da diad Pukdol nen Finehas ya anak to,+ a satan et niiter ed sikato diad mapalandey a rehyon na Efraim.

Paimanod leksab

Salanti, say Eufrates.
Salanti, say Eufrates.
Literal, “bini.”
Literal, “iran agew.”
Salanti, diad bukig a pagpag.
Odino posiblin, “iray akankayarian ed dalin.”
Odino posiblin, “pakataranta; takot.”
Odino “diad andiay pakabalawan a paraan.”
Odino “diad katuaan.”
Salanti, say Eufrates.
Salanti, say Eufrates.
Odino “pakasumlang.”