ഇപ്പോൾ നടന്നു​കൊ​ണ്ടി​രി​ക്കുന്ന പ്രസം​ഗ​പ്ര​വർത്തനം എപ്പോൾ അവസാ​നി​ക്കും?

യേശു പറഞ്ഞു: “ദൈവ​രാ​ജ്യ​ത്തി​ന്റെ ഈ സന്തോ​ഷ​വാർത്ത എല്ലാ ജനതക​ളും അറിയാ​നാ​യി ഭൂലോ​ക​ത്തെ​ങ്ങും പ്രസം​ഗി​ക്ക​പ്പെ​ടും. അപ്പോൾ അവസാനം വരും.” (മത്താ. 24:14) ഈ വാക്യ​ത്തി​ലും 6, 13 വാക്യ​ങ്ങ​ളി​ലും “അവസാനം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പദം ടെലോസ്‌ ആണ്‌. അർമ​ഗെ​ദോ​നിൽ സാത്താന്റെ ലോക​ത്തി​നു സംഭവി​ക്കാ​നി​രി​ക്കുന്ന സമ്പൂർണ​മായ അവസാ​നത്തെ ആണ്‌ അത്‌ അർഥമാ​ക്കു​ന്നത്‌. (വെളി. 16:14, 16) അതു​കൊണ്ട്‌ അർമ​ഗെ​ദോ​നു തൊട്ടു​മു​മ്പു​വരെ നമ്മൾ സന്തോ​ഷ​വാർത്ത പ്രസം​ഗി​ക്കു​ന്നതു തുടരും. ഇതു നമ്മൾ മുമ്പ്‌ മനസ്സി​ലാ​ക്കി​യി​രു​ന്ന​തിൽനി​ന്നുള്ള ഒരു മാറ്റമാണ്‌.

മുമ്പ്‌ നമ്മൾ മനസ്സി​ലാ​ക്കി​യി​രു​ന്നത്‌, ബാബി​ലോൺ എന്ന മഹതി​യു​ടെ നാശ​ത്തോ​ടെ മഹാകഷ്ടത തുടങ്ങു​മ്പോൾ നമ്മൾ സന്തോ​ഷ​വാർത്ത അറിയി​ക്കു​ന്നതു നിറു​ത്തും എന്നാണ്‌. (വെളി. 17:3, 5, 15, 16) മഹാകഷ്ടത തുടങ്ങു​ന്ന​തോ​ടെ ‘യഹോ​വ​യു​ടെ പ്രസാ​ദ​ത്തി​ന്റെ വർഷം’ അവസാ​നി​ക്കു​മെന്നു നമ്മൾ ചിന്തി​ച്ചി​രു​ന്നു. (യശ. 61:2) അതു​പോ​ലെ അതിജീ​വി​ക്കു​ന്നവർ മഹാക​ഷ്ട​ത​യ്‌ക്കു മുമ്പു​തന്നെ യഹോ​വ​യോ​ടുള്ള വിശ്വ​സ്‌തത തെളി​യി​ച്ച​വ​രാ​യി​രി​ക്കു​മെ​ന്നും നമ്മൾ കരുതി. ഇങ്ങനെ മഹാക​ഷ്ട​തയെ അതിജീ​വി​ക്കു​ന്ന​വരെ ബി.സി. 607-ലെ യരുശ​ലേ​മി​ന്റെ നാശത്തെ അതിജീ​വിച്ച ജൂതന്മാ​രോ​ടാണ്‌ നമ്മൾ താരത​മ്യം ചെയ്‌തി​രു​ന്നത്‌. അന്ന്‌ യഹോ​വയെ ആരാധി​ക്കു​ക​യും ദുഷ്ടതയെ വെറു​ക്കു​ക​യും ചെയ്‌ത ആ ജൂതന്മാ​രു​ടെ മേൽ നാശത്തി​നു മുമ്പു​തന്നെ അതിജീ​വ​ന​ത്തി​ന്റെ അടയാളം ഇട്ടിരു​ന്നു. (യഹ. 5:11; 9:4) എന്നാൽ അങ്ങനെ താരത​മ്യം ചെയ്യു​ന്നത്‌, മത്തായി 24:14-ലെ യേശു​വി​ന്റെ വാക്കു​ക​ളു​മാ​യി ചേരു​ന്നില്ല. കാരണം യേശു​വി​ന്റെ വാക്കുകൾ സൂചി​പ്പി​ക്കു​ന്നത്‌, അർമ​ഗെ​ദോ​നിൽ സംഭവി​ക്കുന്ന സമ്പൂർണ​മായ അവസാ​ന​ത്തി​നു തൊട്ടു​മു​മ്പു​വരെ സന്തോ​ഷ​വാർത്ത​യോ​ടു പ്രതി​ക​രി​ക്കാൻ ആളുകൾക്ക്‌ അവസരം ഉണ്ടായി​രു​ന്നേ​ക്കാം എന്നാണ്‌.

മത്തായി 24:14-നെക്കു​റി​ച്ചുള്ള നമ്മുടെ ഗ്രാഹ്യ​ത്തിൽ വന്ന മാറ്റം വെളി​പാട്‌ 16:21 നമ്മൾ മനസ്സി​ലാ​ക്കുന്ന വിധ​ത്തെ​യും ബാധി​ക്കു​ന്നുണ്ട്‌. അവിടെ ‘വളരെ​യ​ധി​കം നാശം വിതയ്‌ക്കുന്ന’ ആലിപ്പ​ഴ​വർഷ​ത്തെ​ക്കു​റിച്ച്‌ മുൻകൂ​ട്ടി​പ്പ​റ​ഞ്ഞി​രി​ക്കു​ന്നു. കൂടുതൽ പഠിക്കു​മ്പോൾ, ഈ രണ്ടു വാക്യ​ങ്ങ​ളും പരസ്‌പരം ബന്ധമു​ള്ള​താ​ണെന്നു നമുക്കു തിരി​ച്ച​റി​യാ​നാ​കു​ന്നു. ആ ബന്ധം മനസ്സി​ലാ​ക്കാൻ രാജ്യ​സ​ന്ദേ​ശ​ത്തോട്‌ ആളുകൾ പ്രതി​ക​രി​ക്കുന്ന വ്യത്യസ്‌ത വിധങ്ങൾ നമ്മൾ മനസ്സി​ലാ​ക്കണം. അപ്പോ​സ്‌ത​ല​നായ പൗലോസ്‌ എഴുതി​യ​തു​പോ​ലെ “രക്ഷപ്പെ​ടു​ന്ന​വർക്ക്‌” നമ്മൾ അറിയി​ക്കുന്ന സന്ദേശം ഒരു സന്തോ​ഷ​വാർത്ത​യാണ്‌, ‘ജീവന്റെ സുഗന്ധ​മാണ്‌.’ എന്നാൽ ദൈവ​ത്തി​ന്റെ ശത്രു​ക്കൾക്ക്‌ അതു ‘മരണത്തി​ന്റെ ഗന്ധമുള്ള’ മോശം വാർത്ത​യും ആണ്‌. (2 കൊരി. 2:15, 16) അവർ രാജ്യ​സ​ന്ദേ​ശത്തെ വെറു​ക്കു​ന്നു. കാരണം അവർ സ്‌നേ​ഹി​ക്കുന്ന ലോകം ഒരു ദുഷ്ട​ലോ​ക​മാ​ണെ​ന്നും സാത്താ​നാണ്‌ അതിന്റെ ഭരണാ​ധി​കാ​രി​യെ​ന്നും പെട്ടെ​ന്നു​തന്നെ അതു നശിപ്പി​ക്ക​പ്പെ​ടു​മെ​ന്നും ആ സന്ദേശം തുറന്നു​കാ​ട്ടു​ന്നു.—യോഹ. 7:7; 1 യോഹ. 2:17; 5:19.

മഹാക​ഷ്ട​ത​യു​ടെ സമയത്ത്‌ നമ്മുടെ സന്ദേശം കൂടുതൽ ശക്തമാ​കു​ക​യും അതു കൂടുതൽ ആളുക​ളി​ലേക്ക്‌ എത്തുക​യും ചെയ്‌തേ​ക്കാം. അതായത്‌, യഹോ​വ​യു​ടെ നാമം മുമ്പെ​ന്ന​ത്തെ​ക്കാ​ളും അധികം ആളുകൾ അന്ന്‌ അറിയാൻ ഇടയാ​കും. (യഹ. 39:7) ബാബി​ലോൺ എന്ന മഹതി​യു​ടെ നാശം കഴിഞ്ഞുള്ള ആ അവസാന സമയത്ത്‌ നമ്മുടെ സന്ദേശം ആർക്കെ​ങ്കി​ലും ഒരു സുഗന്ധ​മാ​യി തോന്നു​മോ? ആരെങ്കി​ലും അതി​ലേക്ക്‌ ആകർഷി​ക്ക​പ്പെ​ടു​മോ? അതിനു സാധ്യ​ത​യുണ്ട്‌. വ്യാജ​മ​ത​ത്തി​ന്റെ നാശ​ത്തെ​ക്കു​റിച്ച്‌ വർഷങ്ങ​ളാ​യി യഹോ​വ​യു​ടെ സാക്ഷികൾ പറഞ്ഞി​രു​ന്നു എന്ന കാര്യം അന്ന്‌ ചിലർ ഓർക്കു​ക​യോ മനസ്സി​ലാ​ക്കു​ക​യോ ചെയ്‌തേ​ക്കാം.

ഇതി​നോ​ടു സമാന​മാണ്‌ പുരാതന ഈജി​പ്‌തിൽ പത്തു ബാധകൾക്കു ശേഷം നടന്ന സംഭവം. യഹോവ ‘ഈജി​പ്‌തി​ലെ എല്ലാ ദൈവ​ങ്ങ​ളു​ടെ​യും മേൽ ന്യായ​വി​ധി നടപ്പാ​ക്കി​യ​തിന്‌’ ശേഷം ഇസ്രാ​യേ​ല്യ​ര​ല്ലാത്ത ‘ഒരു വലിയ സമ്മി​ശ്ര​പു​രു​ഷാ​രം’ ദൈവ​ജ​ന​ത്തോ​ടൊ​പ്പം ചേർന്നു. (പുറ. 12:12, 37, 38) പത്തു ബാധക​ളും മോശ മുൻകൂ​ട്ടി​പ്പ​റ​ഞ്ഞ​തു​പോ​ലെ​തന്നെ സംഭവി​ക്കു​ന്നതു കണ്ടതു​കൊ​ണ്ടാ​യി​രി​ക്കാം ഈ വിദേ​ശി​കൾ യഹോ​വ​യി​ലേക്കു തിരി​ഞ്ഞത്‌.

ബാബി​ലോൺ എന്ന മഹതി​യു​ടെ നാശത്തി​നു ശേഷവും ക്രിസ്‌തു​വി​ന്റെ സഹോ​ദ​ര​ന്മാർ ഭൂമി​യി​ലു​ണ്ടാ​യി​രി​ക്കും. അതു​കൊണ്ട്‌ ആ സമയത്ത്‌ യഹോ​വ​യി​ലേക്കു തിരി​യുന്ന ആളുകൾക്കും ക്രിസ്‌തു​വി​ന്റെ സഹോ​ദ​ര​ന്മാ​രെ പിന്തു​ണ​യ്‌ക്കാ​നുള്ള അവസരം ലഭിക്കും. (മത്താ. 25:34-36, 40) എന്നാൽ ചെമ്മരി​യാ​ടു​ക​ളാ​യി ന്യായം വിധി​ക്ക​പ്പെ​ടാ​നുള്ള ഈ അവസരം അർമ​ഗെ​ദോ​നു തൊട്ടു​മുമ്പ്‌, അഭിഷി​ക്ത​രിൽ ശേഷി​ക്കു​ന്ന​വർക്ക്‌ സ്വർഗീയ പ്രതി​ഫലം കിട്ടു​ന്ന​തോ​ടെ അവസാ​നി​ക്കും.

ഈ പുതിയ ഗ്രാഹ്യം യഹോ​വ​യു​ടെ വലിയ സ്‌നേ​ഹ​ത്തെ​യും കരുണ​യെ​യും എടുത്തു​കാ​ണി​ക്കു​ന്നു. അതെ, യഹോവ “ആരും നശിച്ചു​പോ​കാ​തെ എല്ലാവ​രും മാനസാ​ന്ത​ര​പ്പെ​ടാൻ ആഗ്രഹി​ക്കുന്ന” ദൈവ​മാണ്‌!—2 പത്രോ. 3:9.