Salmu 8:1-9
Na anademẹtọ hànjitọ lẹ tọn; to Gititi* ji. Ohàn Davidi tọn.
8 Oklunọ mítọn, Jehovah E, lehe oyín towe klo taun lẹdo aihọn pé sọ;Hiẹ ko hẹn whanpẹ daho towe yiaga, etlẹ yin hú olọn!+
2 Sọn onù yọpọvu lẹ po viyẹyẹ lẹ po tọn mẹ+ wẹ hiẹ ko hẹn huhlọn towe zun yinyọnẹn,Na kẹntọ towe lẹ tọn wutu,Nado bọnùdo na kẹntọ po ahọsuyitọ po.
3 To whenue yẹn mọ olọn lẹ, alọnuzọ́n towe lẹ,Yèdọ osun po sunwhlẹvu lẹ po he hiẹ basi,+
4 Etẹwẹ gbẹtọ tata de yin bọ hiẹ do nọ hẹn ẹn do ayiha mẹ,Podọ etẹwẹ gbẹtọvi yin bọ hiẹ do nọ penukundo e go?+
5 Hiẹ hẹn ẹn yìdo vude hú nudida olọn mẹ tọn lẹ,*Hiẹ sọ yí gigo po whanpẹ daho po do ṣinyọ́n jẹgbakun na ẹn.
6 Hiẹ yí i do dugán do azọ́n alọ towe tọn lẹ ji;+Hiẹ ko ze nulẹpo do afọ etọn lẹ glọ:
7 Lẹngbọ lẹ po oyìn lẹ po,Gọna gbekanlin lẹ,+
8 Ohẹ̀ agahomẹ tọn lẹ po whèvi hùmẹ tọn lẹ po,Yèdọ nudepope he nọ lìn to hùmẹ.
9 Oklunọ mítọn, Jehovah E, lehe oyín towe klo taun lẹdo aihọn pé sọ!
