Salmu 112:1-10
112 Mì pà Jah!*+
א [Alẹfi]
Ayajẹnọ wẹ mẹhe nọ dibusi Jehovah,+ב [Bẹti]
Bosọ nọ mọ awuvivi susu to gbedide etọn lẹ mẹ.+
ג [Gimẹli]
2 Kúnkan etọn na yin huhlọnnọ to aigba ji,ד [Dalẹti]
Whẹndo nugbonọ tọn nasọ yin didona.+
ה [He]
3 Nuhọakuẹ po adọkunnu lẹ po nọ tin to ohọ̀ etọn mẹ;ו [Wau]
Dodowiwa etọn nasọ zindonukọn kakadoi.
ז [Zayini]
4 Ewọ nọ na hinhọ́n do nugbonọ lẹ ji kẹdẹdi hinhọ́n to zinvlu mẹ.+
ח [Hẹti]
Ewọ yin awuvẹmẹtọ,* lẹblanunọ+ podọ dodonọ.
ט [Teti]
5 Onú nọ yọ́n na mẹhe nọ gbọn alọtútlú* dali yàn namẹ.+
י [Yodi]
Ewọ nọ penukundo whẹho etọn lẹ go po whẹdida dodo po.
כ [Kafi]
6 E ma na yin tẹnsẹna gbede.+
ל [Lamẹdi]
Dodonọ na nọ yin finflin kakadoi.+
מ [Memi]
7 E ma na dibuna owẹ̀n ylankan.+
נ [Nuni]
Ahun etọn nọ nọte gligli, bọ e nọ dejido Jehovah go.+
ס [Samẹki]
8 Ahun etọn ma nọ gbàdo;* obu masọ nọ di i;+ע [Ayini]
To godo mẹ, e na jẹaglin do kẹntọ etọn lẹ ji.+
פ [Pe]
9 Ewọ ko má namẹ lẹdo pé;* e ko nanú wamọnọ.+
צ [Tisade]
Dodowiwa etọn na zindonukọn kakadoi.+
ק [Kọfi]
Huhlọn* etọn titi na yin zizedaga to gigo mẹ.
ר [Lẹṣi]
10 Mẹylankan na mọ bosọ gblehomẹ.
ש [Ṣini]
E na dù adúkúnkún bo na yọ́.
ת [Tau]
Ojlo mẹylankan tọn lẹ na sudo.+
Nudọnamẹ Odò Tọn
^ Kavi “Halelujah!” “Jah” yin sándogli yinkọ lọ Jehovah tọn.
^ Kavi “mẹhe gọ́ na ojọmiọn.”
^ Kavi “ojọmiọn.”
^ Kavi “Ahun etọn nọ gboadọ (lodo).”
^ Kavi “po alọtútlú po.”
^ To paa mẹ, “Azò.”
