Salmu 127:1-5
Ohàn Mẹhe Hẹji Jei Tòdaho lọ mẹ lẹ Tọn. Ohàn Sọlomọni tọn.
127 Eyin Jehovah ma gbá ohọ̀ lọ,Be ovọ́ mẹ wẹ họ̀gbátọ lẹ wazọ́n sinsinyẹn do.+
Eyin Jehovah ma basi hihọ́na tòdaho lọ,+Be ovọ́ mẹ wẹ nuhọ́tọ lẹ to nukle.
2 Ovọ́ mẹ wẹ mì nọ fọ́n to afọnnu fuu,Bo nọ to azọ́nwa jẹ zánhomẹ,Bosọ nọ to tuklajẹ nado mọ núdùdù mìtọn,Na ewọ wẹ nọ wleawudaina mẹyiwanna etọn lẹ bosọ nọ na yé amlọn.+
3 Pọ́n! Ogú de wẹ visunnu* lẹ yin sọn Jehovah dè;+Ale de wẹ sinsẹ́n adọ̀mẹ tọn yin sọn ewọ dè.+
4 Kẹdẹdi ogá to alọ dawe huhlọnnọ de tọn mẹ,Mọ wẹ visunnu he yin jiji to jọja whenu lẹ te do.+
5 Ayajẹnọ wẹ dawe lọ he yí yé do gọ́ ogába-hẹnnu etọn.+
Yewlẹ ma na duwinyan,Na visunnu yetọn lẹ na nọ dọho hẹ kẹntọ lẹ to họngbo tòdaho lọ tọn ji.
Nudọnamẹ Odò Tọn
^ Kavi “ovi.”
