Salmu 138:1-8
Ohàn Davidi tọn.
138 Yẹn na nọ yí ahun ṣie lẹpo do pà we.+
Yẹwhe devo lẹ sin nukunmẹWẹ yẹn na nọ jihàn pipà tọn lẹ hlan we te.*
2 Yẹn na dẹ́ do odò pannukọn tẹmpli wiwe towe,+Bo nasọ pà oyín towe,+Na owanyi nugbo po nugbonọ-yinyin towe po wutu.
Na hiẹ ko hẹn nuhe a dọ lẹ po oyín towe po yiaga hú nudevo depope.*
3 To azán he gbè yẹn ylọ, hiẹ siọ mi;+A hẹn mi zun adọgbotọ* podọ huhlọnnọ.+
4 Ahọlu aigba ji tọn lẹpo wẹ na nọ pà we, Jehovah E,+Na yé na ko sè opagbe he a do lẹ.
5 Yé na nọ jihàn gando aliho Jehovah tọn lẹ go,Na gigo Jehovah tọn klo taun.+
6 Dile etlẹ yindọ Jehovah yiaga taun, e nọ doayi whiwhẹnọ lẹ go,+Ṣigba, olá wẹ e nọ pọ́n saklanọ lẹ hlan sọn.+
7 Eyin yẹn tlẹ to zọnlinzin to owù ṣẹnṣẹn, hiẹ na nọ hẹn mi dogbẹ̀.+
Hiẹ nọ dlẹnalọ towe nado glọnalina homẹgble kẹntọ ṣie lẹ tọn;Adusilọ towe na nọ whlẹn mi.
8 Jehovah na hẹn nulẹpo di do ota ṣie mẹ.
Jehovah E, owanyi nugbo towe na gbọṣi aimẹ kakadoi;+A gbẹ́ azọ́n alọ towe tọn lẹ dai blo.+
Nudọnamẹ Odò Tọn
^ Kavi vlavo, “Yẹn na nọ jihàn hlan we nado jẹagọdo yẹwhe devo lẹ.”
^ Kavi vlavo, “hiẹ ko hẹn nuhe a dọ lẹ yiaga hú oyín towe lẹpo.”
^ Kavi “adọgbotọ to alindọn ṣie mẹ.”
