Yì hosọ lẹ ji

Opli Agun Tọn Kunnudetọ Jehovah Tọn lẹ Tọn

Mọ nudọnamẹ lẹ gando opli mítọn lẹ go. Dín fie sẹpọ we he opli nọ yin bibasi te.

Linlin Gando Coronavirus (COVID-19) Go: To lẹdo susu lẹ mẹ, mí masọ to opli basi to Plitẹnhọ Ahọluduta tọn mítọn lẹ mẹ kavi to pipli dahodaho lẹ mẹ ba. Eyin a jlo na yọ́n nususu dogọ gando Biblu kavi Kunnudetọ Jehovah tọn lẹ go, jaale kanwe gọ́ apotin he to adà Biọ Dọ Mẹde Ni Wá Dla We Pọ́n ji, podọ Kunnudetọ de to lẹdo towe mẹ na dọho hẹ we.

Dín Nọtẹn Opli Tọn He Sẹpọ We De (opens new window)

Etẹwẹ Mí Nọ Wà to Opli Mítọn lẹ Ji?

Kunnudetọ Jehovah tọn lẹ nọ pli whla awe to sẹmẹsẹmẹ nado basi sinsẹ̀n hlan Jiwheyẹwhe. (Heblu lẹ 10:24, 25) Mẹdepope wẹ sọgan wá opli ehelẹ. To finẹ, mí nọ gbadopọnna nuhe Biblu dọ lẹ gọna lehe mí sọgan yí nuhe mí plọn lẹ do yizan mẹ to gbẹzan mítọn mẹ do.

Suhugan opli mítọn lẹ tọn wẹ nọ bẹ hodọdopọ hẹ mẹplidopọ lẹ hẹn, kẹdẹdile hodọdopọ wehọmẹ tọn lẹ nọ yin bibasi do. To bẹjẹeji opli mítọn lẹ tọn podọ to vivọnu, mí nọ jihàn bo nọ hodẹ̀.

E ma yin dandan dọ a ni yin Kunnudetọ Jehovah tọn whẹpo do wá opli mítọn lẹ. Mẹlẹpo wẹ mí ylọ wá opli mítọn lẹ vọnu, podọ akuẹjọ de ma nọ tin.