Salmu 110:1-7
Ohàn Davidi tọn.
110 Jehovah dọna Oklunọ ṣie dọmọ:
“Sinai to adusilọ ṣie mẹ+Kaka yẹn nado yí kẹntọ towe lẹ do basi tokloafọligbe afọ towe lẹ tọn.”+
2 Jehovah na dlẹnkanna ogánpò huhlọn towe tọn jẹgbonu sọn Ziọni, dọmọ:
“Yì bo to awhàngba to kẹntọ towe lẹ ṣẹnṣẹn.”+
3 Omẹ towe lẹ na ze yede jo sọn ojlo mẹ wá to azán awhànpa towe tọn gbè.*
To whanpẹ daho wiwe-yinyin tọn mẹ,Hiẹ tindo ogbẹ́ jọja lẹ tọn kẹdẹdi kùnkùn ahun tọn to afọnnu fuu.
4 Jehovah ko whlé, podọ e ma na diọlinlẹn:*
“Hiẹ yin yẹwhenọ de kakadoi+Taidi Mẹlkizedẹki!”+
5 Jehovah na tin to adusilọ towe mẹ;+Ewọ na gídí ahọlu lẹ to azán homẹgble etọn tọn gbè.+
6 E na hẹn whẹdida ṣẹ do akọta lẹ ji;*+E na hẹn aigba gọ́ na oṣiọ lẹ.+
E nasọ gídí nukọntọ* otò daho de* tọn.
7 Ewọ* na nù sọn asisa he gbọn aliho lọ tó mẹ.
Enẹwutu wẹ e na ze ota etọn daga.
Nudọnamẹ Odò Tọn
^ Kavi “to azán he gbè awhànpa towe pli.”
^ Kavi “e ma na vẹna ẹn.”
^ Kavi “to akọta lẹ ṣẹnṣẹn.”
^ To paa mẹ, “ota.”
^ Kavi “aigba pete.”
^ Ehe to alọdlẹndo “Oklunọ ṣie” to wf 1 mẹ.
