Salmu 54:1-7
-
Odẹ̀ na alọgọ to kẹntọ lẹ ṣẹnṣẹn
-
“Jiwheyẹwhe wẹ alọgọtọ ṣie” (4)
-
Na anademẹtọ hànjitọ lẹ tọn; ni yin jiji po hànjinu okànnọ lẹ po. Maskili.* Ohàn Davidi tọn to whenue Zifinu lẹ wá bo dọna Sauli dọ: “Davidi whlá ede do ṣẹnṣẹn mítọn.”+
54 Jiwheyẹwhe E, whlẹn mi gbọn oyín towe dali,+Bo yí huhlọn towe do yiavùnlọna mi.*+
2 Jiwheyẹwhe E, sè odẹ̀ ṣie;+Na ayidonugo ohó he nọ tọ́n sọn onù ṣie mẹ lẹ.
3 Na jonọ lẹ ko fọ́n do ji e,Bọ danuwatọ lẹ to okú ṣie* dín.+
Yé ma tindo sisi depope na Jiwheyẹwhe.*+ (Sela)
4 Pọ́n! Jiwheyẹwhe wẹ alọgọtọ ṣie;+Jehovah tin hẹ godonọnamẹtọ ṣie* lẹ.
5 Ewọ na yí oylan kẹntọ ṣie lẹ tọn do suahọ yé;+Và yé sudo* to nugbonọ-yinyin towe mẹ.+
6 Yẹn na nọ sanvọ́ hlan we+ sọn ojlo mẹ wá.
Yẹn na nọ pà oyín towe, Jehovah E, na e yọ́n domọ.+
7 Na ewọ nọ whlẹn mi sọn ayimajai lẹpo mẹ,+Yẹn nasọ nọ jẹaglin do kẹntọ ṣie lẹ ji.+
Nudọnamẹ Odò Tọn
^ Kavi “yí owhẹ̀ ṣie dọ.”
^ Kavi “alindọn ṣie.”
^ Kavi “Yé ma nọ hẹn Jiwheyẹwhe tin to nukọn yede tọn.”
^ Kavi “alindọn ṣie tọn.”
^ To paa mẹ, “Bọnùdo na yé.”
